.JPG)
فاریاب ولایتینینگ دولتآباد تومنیده بیر ایرکک 17 یاشر قیزی و اونینگ 23 یاشر ایرکک اورتاغینی اولدیرگن.
بوگون چهارشنبه خبری بیر انجمنده سوزلهگن سیدآقا اندرابینینگ خبرچیلرگه ایتیشیچه، مذکور ایرکک، قیزی و اونینگ ایرکک اورتاغینی "ناقانونی علاقهسی" بولگنلیگی سبب اولدیرگن.
جناب اندرابی، پولیس مذکور شخصنی حبسگه آلگن دیگن. لیکن، تومن ولسوالی سیدعبدالسلام نزهتنینگ سلاموطندارگه ایتیشیچه، حادثهده قولی بارلیگی سبب اوچ کیشی حبسگه آلینگن
جناب نزهت، واقعه اوشبو تومن نینگ "چهارشغنو" قیشلاغیده روی بیرگن و اولدیریلگنلرنینگ گناهی هم بیر – بیراوینی سیویش بولگن دیگن.
عین حالده، ولایت ساغلیقنی سقلش ادارهسینینگ مسووللری، ایرکک بیلن قیزنینگ جسدی شفاخانهگه آلیب کیلینگنلیگینی تصدیق لهگنلر. طبی کوریکدن اوتکزیلگن بو جسدلر، مذکور شخصلر بوغیب اولدیریلگنی معلوم بولگن.
شوکبی بوندن بیر آی آلدین (28)جدیده فاریاب ولایتی نینگ غورماچ تومنینینگ شرشر قیشلاغیده "ریزهگل" تورموش اورتاغی تامانیدن بورنی کیسیلگن ایدی.
فاریاب پولیسی، بو حادثهدن سونگ، ریزهگل نینگ تورموش اورتاغی قوراللی طالبلر ایچیده باش پنه ایزله گنلیگینی بیلدیرگن ایدی.
