بوگون «دوشنبه» افغانستان نماینده‌لر کینگشی ایکینچیلیک، سوو و برق و قیشلاقلرنی کینگه‌یتیریش وزیرلیک‌لری‌نینگ مسؤوللرینی قوروقچیلیک‌که قرشی کوره‌ش خصوصیده بولگن استراتیژی‌لری توغریسیده جواب بیریش اوچون کینگش‌گه چقیرگن ایدی.
اوشبو ییغینده ایکینچیلیک وزیرلیگی‌نینگ طبیعی قیناقلر و سوو ییتکزیش اورین باسرلیگی‌نی سرپرستی حشمت غفورنینگ ایتیشیچه، مذکور وزیرلیک سوو خرجتی کمه‌ییشی خصوصیده، سوو ییتکزیش اوچون ینگی سیستم ایجاد قیلیش گه قرار قیلگن.
جناب غفورنینگ ایتیشیچه، اوشبو طرح تیارلنگن و جمهورلیک ریاستیگه یوباریلگن.
عینحالده، قیشلاقلرنی کینگه‌یتیریش وزیری مجیبالرحمان کریمی، قورقچیلیککه قرشی قطار ایشلر صورت تاپگنیدن خبر بیرهدی.
200 دن آرتیق چقور و یریم چقور قودوق قازیلیشی، 164 سوو یتکیزیش شبکه ایشینینگ تکمیل ایتیلیشی و قورقچیلیککه قرشی قطار پروژهلرنینگ عملگه آشیریلیشی قیشلاقلرنی کینگه‌یتیریش وزیرلیگی‌نینگ مسووللری تامانیدن یاد ایتیلگن اقداملردن دیر.
عینحالده، سوو و برق وزیرلیگی‌نینگ اورین باسریگه کوره، مذکور وزارت قورقچیلیک و سوو تاشقینلرگه قرشی کورهشیب و 265 پروژهنی دیزاین قیلگن.
نمایندهلرکینگشینینگ باشلیغی عبدالرووف ابراهیمی، مذکور ییغیننینگ اداغیگه ایکینچیلیک، قیشلاقلرنی کینگه‌یتیریش و سوو و برق وزیرلیکلری مسووللرینینگ برنامهلرینی قانقرلی عنوان قیلیب و اولردن بو توغریده کپراغ سعی و حرکت قیلیشلرینی سورهگن.
نماینده‌لر کینگشینینگ باشلیغیگه کوره، قورقچیلیک کته تهدید دیر و بوتوغریده جدی تدابیرلر آلینمهگن صورتده، مملکتنینگ قیینچیلیکلر بیلن دوچ کیلیشی ممکن.
