میلادی 2016- ییل فسادگه قرشی کورهشیش کمپایننی یولگه قویهدیگن چاغیده اروپا بیرلیگی رسمیلرینینگ ایتیشیچه، بوندن کیین اولر حکومت اویغونلیگیده فسادگه قرشی کورهشهدیلر.
مذکور ادارهنینگ اوشبو کمپایننی یولگه قوییشیدن مقصد فسادگه قرشی کورهشیش خصوصیده افغانستان یشاوچیلرینینگ آگاهلنتیریش، اویغونلشتیریش و اوشبو پدیدهگه قرشی دولتی کوچلردن حمایت قیلیش دیگن.
جامعه برقرارلیگیگه فساد تأثیری، عدلی و قضایی تیزیمیده فساد موجودلیگی، طبیعی منبعلر و اوشبو موضوع برابریده یشاوچیلرنینگ حرکتی اوشبو کمپایننی اونملی موضوعلریدن دییلگن.
افغانستان بوییچه اروپا بیرلیگی هیأتینینگ باشلیغی و خاص نمایندهسی فرانس مایکل میلیننینگ ایتیشیچه، فساد کونسایین ثروتمندلرنی ثروتمندراق و کم بغللرنی کم بغلراق قیلهدی. او فسادنی مملکتگه قرشی جدی تهدید بیلیب ایتیشیچه، اوشبو پدیده اوتگن بیر دههلیک یوتوقلرنی هم نابود ایتیش خطریگه روپهره قیلگن.
اوشبو کمپاین یولگه قوییلیش چاغیده جناب میلیننینگ کوپهیتیریشیچه، دولت یالغیزلیکده بو پدیدهنی نابود ایته آلمهیدی و هر بیر یشاوچینینگ بونگه قرشی کورهشیشی لازم.
اروپا بیرلیگی هیأتینینگ باشلیغیگه کوره، 2016- ییل فسادگه قرشی کورهشیش کمپایننی باشقه بیر بولیمیده اداری فساد آچیقلهنیب و یشاوچیلر بیلن میدیا تامانیدن اوشبو پدیده یوکسلیشینی باشقریش دیر.
اوشبو بیرلیک تامانیدن ترقهتیلگن خبرنامهده کیلیشیچه، کیلهجک بیر ییلده دنیا جماعهچیلیگی افغانستانگه بیلدیرگن حمایتینی تیکشیرهدی، دولت اداری فسادگه قرشی کورهشیش خصوصیده یوتوقلرینی نمایشگه قوییشی لازم.
افغانستان بوییچه اروپا بیرلیگی هیأتینینگ ایتیشیچه، فساد کینگهیگن صورتده، مملکت اقتصادینی خطرگه دوچ کیلتیریب، اوتگن نیچه ییللیک یوتوقلر، افغانستانده یاتقیزیلگن سرمایهلر و مملکت یاشلرینینگ کیلهجکینی تهدیدگه روپهره قیلگن.
اوشبو کمپاین 7 هفتهگچه دوام ایتهدی و جاری میلادی ییلنینگ می آیینی باشیده بیر کته ییغین اوتکزیلیب یکونلنهدی.
