کرونا ویروسی نینگ آلدینی آلیش عاجل کمیتهسی «کرونا ویروسی باعث یمان باسقیچده ایشلرنی تنظیم قیلیش ریجهسی» نی نهایی قیلگن و بو ینگی ریجهده چیکلاولرنینگ ایریمی ینه تمدید بولگن.
جمهورلیک ریاست ایکینچی اورینباسری نینگ رسانه دفتری بیر خبرنامه ترقهتیب ایتیشیچه، ایرته (یکشنبه 18- جوزا) عمل گه آشیریلهدیگن مذکور ریجه، بیرینچی باسقیچده 3 آی گه قدر عملی ایتیلهدی.
مذکور ریجه اساسیده، حکومت عمومی ییرلرده ماسک کییش، 2 مترلیک مسافه نی مراعات قیلیش، 10 کیشیدن آرتیق بولگن ییغینلرنینگ آلدینی آلیش، یاشی کیتگن کیشیلرنینگ اویدن چیقیشلریگه توسیق بولیش و ایش محیطی نی ویروس گه قرشی دواپاشلیک قیلیش ضروری بولگن.
بو ریجه اساسیده، مکتبلر، خصوصی و دولتی بیلیم یورتلر شامل برچه تعلیماتی نهادلر باشقه 3 آی گه قدر حضور شکلده فعال بولمهسی ممکن، بیراق فعالیتلرنی آنلاین و غیرحضوری شکلده دوام بیره آلهدیلر.
خبرنامه گه کوره، 3 آیدن آلدین وضعیت یخشی بولگن صورتده، کابینه تعلیماتی مرکزلر آچیلیشی خصوصیده قرار آلیشی ممکن.
شونینگدیک، توی هوتللری، سپورت صالونلری و تفریحی پارکلر کیلهجک 3 آی گچه یاپیق قالهدی و فاتحه مراسمی و باشقه مراسملر یولگه قوییلیشی منع دیر.
بو ریجه گه کیلیشیچه، رستورانت و کافهلر مشتریلریگه یالغیز غذا انتقال بیریش توغریسیده فعالیت قیله آلهدیلر.
ساغلیک وزیرلیگی بو ریجه نی مسئول نهادلرنینگ همکارلیگی بیلن مملکت بوتون ولایتلریگه عمل گه آشیریشی اوچون وظیفهلی دیر.
