افغانستان ملی مجلسینینگ بیر قنچه اعضالری، بیر قطارقومی رهبرلر توتاپ لایحهسینی سوءاستعمال قیلیب، مملکتده قومی و سمتی قرمه قرشیلیکلرنی توغدیرهدی دیگنلر.
مجلس اعضالری برقسیز حیات کیچیریش ممکن، اما ملی بیرلیکسیز ممکن ایمس. ولسی جرگهنینگ باشلیغی عبدالرووف ابراهیمی، توتاپ لایحهسی اوستیدن چیققن معمالرنی تیکشیریش اوچون تشکیل بولگن کمیسیون بو توغریدهگی تفصیلاتلرنی خلق وکیللریگه ییتکزیهدی دیگن.
اوتگن کون (جمعه) بامیان ولایتینینگ مینگلب اهالیسی، توتاپ پروژهسی سالنگلر یولیدن اوتکزیلیشی اوچون برشنا شرکتی آلگن قراریگه قرشی اعتراض بیلدیریب نمایش اوتکزدیلر. شونینگدیک کابلده هم اعتراضچیلر ییریک نمایش اوتکزیب برشنا شرکتینینگ بو قراریگه عکس العمل بیلدیریشلری کوتیلهدی.
اعتراضچیلردن بیری داوود ناجینینگ سلاموطندارگه ایتیشیچه، حکومتتینگ ترقیاتنی نظرده توتیب برق لایحهسینی بامیان یولی بیلن آلیب اوتیش مقصدگه موافق. بولمهگنده اولر "یاروغ لیک بیرهمی" عنوانی آستیده مدنی حرکتلریگه دوام بیریشلرینی ایتگن.
توتاپ لایحهسی بامیان ولایتیدن اوتکزیلیشی برچه قوملر فایدهسیگه تمام بولیشینی تیلگه آلگن جناب ناجی، مسالهگه حکومت قومی توس بیریش اوچون سعی و حرکت قیلهدی دیگن. عین حالده، توتاپ لایحهسی بامیان و دایکندی یولیدن اوتکزیلمهگن حالده، حکومتنینگ هم قطار بلند مرتبهلی ملازملری اوز لوازم لریدن استعفا بیریشلری بارهسیده آگاهلنتیرگنلر.
اما، برشنا شرکتینینگ مسووللری، آلمانلیک فیشنر شرکتی ایکینچی بار تیکشیرو اوتکزگندن کین هم سالنگلر یولی قیسقه همدده کم مصروف بولگن لیگنی بیلدیرگن دیگنلر. برشنا شرکتینینگ سوزلاوچیسی وحیدلله، برق لایحهسی سالنگلر یولیدن اوتکزیلگن حالده، 2.3 میلیون خانهدان کابلده برق یاروغلیگیدن فایدهلنهدی؛ لیکن، بو پروژه بامیان یولی بیلن اوتکزیلگن حالده مذکور عایلهلر بیش ییلدن آرتیق برق یاروغلیگدن برهسیز قاله دیلر دیگن.
برشنا شرکتینینگ مسووللری، افغانستان حکومتی و 500 کیلوات برق لایحهسینی مالی دستکلیدیگنلر ایکی ییلگه قدر کابل و جنوبی ولایتلردن آلدین مرکزی ولایتلرگه برق ییتکزیب بیریشگه وعده بیرگنلیکلرینی تاکیدلهگنلر دیگن .
