بوگون «دوشنبه» کابلده خبری بیر ییغین اوتکزگن ایچکی ایشلر وزیرلیگی مسؤوللری، مرکز و ولایتلرده هییت کونلری خوفسیزلیگی تأمینلنیشی اوچون جدی شکلده امنیتی تدبیر آلینگنیدن خبر بیرگن.
ایچکی ایشلر وزیرلیگی سوزلاوچیسی نصرت رحیمی نینگ ایتیشیچه، پولیس کوچلری باشقه خوفسیزلیک ادارهلری بیلن اویغونلیکده هییت کونلری خوفسیزلیگینی تأمین قیلهدی.
جناب رحیمی گه کوره، اوشبو امنیتی تدبیرگه بوتون ولایتلرده امنیتی کوچلر تیار بولیب توریشلری، یشاوچیلر توپلنگن مرکزلرده خوفسیزلیک تدبیرلری، سیار گیزمهلر و پولیس تشکیلاتی نینگ 119 تلیفون رقمی شامل بولهدی.
شونینگدیک، ایچکی ایشلر وزیرلیگی نینگ سوزلاوچیسی، اوتگن 10 کون جریانیده پولیس کوچلری نینگ یوتوقلریدن ایسلب ایتیشیچه، اولر و باشقه خوفسیزلیک ادارهلری نینگ سعی و حرکتلری نتیجهسیده کابل ده جنایی جرملر میزانی 10% کمهیگن.
بیراق، کابل یشاوچیلریدن بیرقطاری، ایچکی ایشلر وزیرلیگی نینگ بو ادعاسینی رد قیلهدی.
باشکینت یشاوچیلریدن احمد مصطفی و وحیدنینگ سلاموطندارگه ایتیشیچه، کون اوتیشی بیلن کابل شهری نینگ خوفسیزلیک وضعیتی یامان بولماقده.
گرچند ترورچی گروهلر هییت و نوروز کبی خاص کونلرنی خودکش و پارتلش هجوملر بیلن قرشیلیدی، بیراق حاضر کوتیش کیرهک کیم، خوفسیزلیک کوچلری تامانیدن آلینگن خوفسیزلیک تدبیرلر بوندهی هجوملر آلدی آلینیشی توغریسیده ایش بیرهدیمی یوق؟ بونگه زمان جواب بیرهدی.
