غزنی ولایتیده استقامت قیلهدیگن هند و سیک یشاووچیلری باش پنه تنقیسلیگی بیلن روپه ره لر. اولر، هر بیر اویده بیش – آلتی عایله حیات کیچیریشنی ایتگنلر. بو وضعیتدن قینلگن هندو و سیکلر افغانستاننی ترک قیلیشگه مجبور بولگن لیکلرینی بیلدیرگنلر.
غزنیده حیات کیچیرهدیگن 150 هندو و سیک خانهدانیدن اوسیملیک دوالری، دوکاندارلر و زرگرلردن عبارت فقط 50 عایله قالگن. بو عایله نینگ برچهسی بیر کوچهده حیات کیچیرهدیلر. حکومتنی اعتبار بیرمهگن لیککه عیبلهگن هندو و سیکلر یشش اوچون مناسب ییر یوقلیگیدن شکایت ایتگنلر.
50 خانهدان دن عبارت هندو و سیکلرنینگ هر بیر اویده 8 عیال حیات کیچیرهدی بو وضعیت ایسه بیزنی افغانستانده یششیمیز اوچون کته قیین چیلیک توغدیرگن دیدی بو خانهدان نینگ قوم بویوکلریدن دیدارسینگ.
غزنی ولایتی ولایت کینگشی نینگ نمایندهسی فاطمه رحیمی، اخیرگی ییللرده مملکتده استقامت قیلهدیگن هندو و سیکلرگه حکومت هیچ بیر اعتبار بیرمهگن دیدی. غزنی ولایتیدهگی محلی دولت تشکیلاتیده سیکلرگه هیچ بیر حصه بیریلمهگنینی تیلگه آلگن خانم فاطمه.
هندو و سیکلر شهروندنلیک حق و حقوقینی آیاق آستی قیلیش انسان حقو حقوقلری همده اجتماعی عدالت قدریتلریگه ضد بولگن لیگینی تیلگه آلگن خانم رحیمی، حکومت مسووللری بو کیشیلر موجودلیگینی ییغینلریده نمایشی شکلده سوء استمعال قیلگنلر دیدی.
غزنی شهرداری فریدون احمدی، ولایتده هندو و سیکلرده باش پنه بولمهگن لیگی تیکشیریلیب، جاری ییل نینگ آخیریگه قدر فایدهلهنیشگه تاپشیریله دیگن اوچ شهرچهدن بیریگه مذکور خانهدانلرگه اوی ترقهتیب بیریله دی دیگن.
افغانستانده اوزاق ییللردن بیری حیات کیچیریب کیلگن هندو و سیک خلقی میلادی 70- ییلده یوزبیرگن ایچکی اوروشلر جریانیده بار یوقلرینی ساتیب افغانستاننی ترک قیلگنلر.
