هرات گمرکینی ایشلاوچیلریدن یوزلرچهسینینگ بیر اعتراض آرقهلی آگاهلنتیریشیچه، هرات گمرکینینگ اسلامقلعه بندریگه انتقال بیریلیش ریجه عملی ایتیلگن صورتده، قتناو یوللرنی باغلهیدیلر.
اوشبو ایشلاوچیلرنینگ حکومت دن تنقید قیلیب ایتیشیچه، حکومت ایش زمینهسی یرهتگنی اورنیده ایشنی کمهیتیرهدی.
اولرنینگ ایتیشیچه، هرات گمرکی اسلامقلعهگه انتقال تاپگن صورتده، کمیده 20 مینگ کیشی شغللرینی قولدن بیرهدی و اولردن بیرقطارینینگ اوغیرلاوچیلیک قیلیشی و یا-ده طالبان گروهی گه قوشیلیشی ممکن.
عینحالده، هرات ولایتی کینگش باشلیغی کامران علیزایی نینگ ایتیشیچه، حکومت نینگ هرات گمرکینی اسلامقلعهگه انتقال بیرمهسدن آلدین ایشلاوچلرگه ایش زمینهسینی یرهتیشی کیرهک.
هرات گمرکی باشلیغی بو توغریده میدیالر بیلن صحبت قیلیشگه تیار بولمهگن؛ بیراق هرات حاکمی نینگ اورین باسری مجیبالرحمان فیضی، درآمدلرنینگ تالان ایتیلیشیگه توسیق بولیش اوچون اوشبو قرار آلینگن.
شوتوغریده…
- نیمروز گمرکینینگ درآمدی بیر ییل جریانیده 3 میلیارد افغانی کمهیگن
هرات گمرکیده تیکشیرووچی ماشینلر فعالیتدن قالگنی سبب، فساد میزانی آشگن
اونینگ کوپهیتیریشیچه، هرات گمرکی اسلامقلعهگه انتقال بیریلگن صورتده، ایشلاوچیلر ینگی محلده فعالیتلریگه دوام بیره آلهدی.
جناب فیضی گه کوره، هرات گمرکینینگ اسلامقلعهگه انتقال بیریلیش قراری اوشبو ولایت یشاوچیلری نینگ ایستهگی اساسیگه آلینگن.
بیراق، اعتراضچیلرنینگ ایتیشیچه، هرات گمرکی اسلامقلعهگه انتقال بیریلگن صورتده، او ییرده باره آلمهیدیلر.
