بامیان ولایتی نینگ پنجاب تومنی کسلخانهسینینگ داکترلری و ایشلاوچیلریدن کمیده 50 تهسی حقوقلری نینگ کمهیشی باعث، ایش اعتصابیگه قول اورگنلر.
پنجاب کسلخانهسینی داکترلریدن بیری نینگ کیملیگی سیر قالیشنی ایستهب سلاموطندارگه ایتیشیچه، بامیان ولایتی بوییچه ساغلیق خذمتلرنی آقاخان کینگیتیریش یا-ده AKH-S بنیادی قرارداد قیلگنیدن سونگ، ایریم قیینچیلیکلر بیلن روپهره بولگنلر.
اونینگ ایتیشیچه، اوشبو موسسه ساغلیقنی سقلش وزیرلیگی نینگ ملی پلان و برنامهسیگه قرشی پنجاب تومنیده ساغلیق بولیملر ایشلاوچیلری نینگ حقوقلریدن 50% نی متغییر و 50% نی ثابت شکلده بیرهدی.
پنجاب کسلخانهسینی قابلهلریدن بیری فیضیه نینگ ایتیشیچه، بوندن آلدین بامیان ولایتی نینگ اوزاقده بولگن تومنلریده بیر قابله نینگ حقوقی 60 مینگ افغانی ایدی، بیراق ینگیدن قرارداد قیلگن موسسه بو رقمنی 10 مینگ افغانیگه کمهیتیرگن.
اونینگ ایتیشیچه، مذکور کسلخانه ایشلاوچیلریدن 40% 5 آیدن بویان آیلیک آلمهگنلر.
اولرنینگ آگاهلنتیریب ایتیشیچه، حقوقلری سابق کبی تولهنیلمهگن حالده، کسلخانه دروازهسینی باغلهیدیلر.
شوتوغریده…
- ناتیینچلیکلر کوپهیشی؛ داکترلر فاریابنی ترک قیلهدیلر
10 کون مهلت؛ ننگرهار داکترلری ایش تشلشلری ممکن
عینحالده، آقاخان کینگیتیریش بنیادی نینگ ساغلیق بولیمی مسووللی داکتر عبدالصبور صابرنینگ ایتیشیچه، قطار قیینچیلیکباعث، ورس و پنجاب تومنی کسلخانهلرینینگ ایشلاوچیلرینی حقوقلری زمانیگه توللنمهیدی، بیراق ساغلیق بولیملرایشلاوچیلرینینگ آیلیکلرینی متغییر و ثابت شکلده اوزگریلگنی سراسری دیر.
بامیان ولایتی بوییچه ساغلیقنی سقلش ریاستی مسووللرینینگ ایتیشیچه، مذکور قیینچیلیکلرنی حل قیلیش اوچون ساغلیقنی سقلش وزیرلیگی تامانیدن بیر هیات یوباریلگن.
ایتیش کیرهککه بوندن آلدین ننگرهار و کنر ولایتی نینگ قطار تومنلریده ساغلیق مرکزلر ایشاوچیلری حقوقلری نینگ کمهیتیریلیشیدن شکایت قیلگن ایدیلر.
