سرپل‎ده مردمی کوچ‎لر اهالی‎نی اذیت قیلیب و اولردن پول آله‎دی

سرپل ولایتی کینگش اورین باسری و اوشبو ولایت بلخاب تومنی‎نینگ قطار یشاوچی‎لریگه کوره، مردمی کوچ‎لر و مسوول‎سیز قورالی کیشی‎لر مذکور تومن‎ده اهالی‎دن پول آلیب و اولرنی اذیت قیله‎دی.

سرپل ولایتی کینگش اورین باسری سیداسدالله دانش نینگ سلام‎وطندارگه ایتیشیچه، مردمی کوچ‎لر و مسوول‎سیز قورالی کیشی‎لر اهالی‎نی اولدیریش‎گه عیب‎لنگن، بیراق دولت اولرنینگ فعالیت‎لریگه توسیق بولمه‎یدی.

مذکور ولایت بلخاب تومنی‎نی قطار یشاوچی‎لری‎نینگ سلام‎وطندارگه ایتیشیچه، مردمی کوچ‎لر و مسوول‎سیز قورالی کیشی‏لرنینگ فعالیت‎لریدن قینه‎لیب قالگن‎لر. اولرنینگ آگاه‎لنتیریب ایتیشیچه، دولت اوشبو گروه‎لر فعالیت‎لریگه توسیق بولمه‎گن صورتده، دولت بیلن رابطه‎لرینی کیسیب قویه‎دیلر.

بیراق سرپل حاکمی‎نینگ سوزلاوچیسی ذبیح‎الله امانی نینگ ایتیشیچه، حاضرگه‎قدر اوشبو تومن یشاوچی‎لریگه قرشی زوره‎وانلیک خصوصیده هیچ‎قندی رسمی شکایت قولگه کیلتیرمه‎گن‎لر.

بو توغریده بلخاب مردمی کوچ‎لر قومندانی‎نینگ فکری‎نی آلیش اوچون سعی و حرکت قیلدیک، بیراق موفق بولمه‎دیک.