اوچ ییلدن بویان مارجه تومنینینگ مرکزیدن باشقه برچه بولیمی بوتونلی طالبان نظارتیگه دیر.
مارجه تومنی یشاوچیلریدن قطاری نینگ ایتیشیچه، اوشبو تومنده طالبلرنینگ کینگ حضوری باعث محل یشاوچیلری نینگ اورگهنیش و تربیهلنیش، ساغلیک خذمتلر و باشقه خذمتلرگه قول تاپیش میزانی کمهیگن.
امنیتی کوچلر ینگیلیکده اوشبو تومن نینگ قولدن کیتگن منطقهلرینی قیتهدن نظارتگه آلیش اوچون طالبلرگه قرشی عملیات یولگه قویگنلر.
مارجه تومنی اهالیسی، امنیتی مسئوللردن مذکور تومن بوتونلی طالبلردن تازهلنگونگه قدر حربی عملیات دوام ایتیشی نی سورهگنلر.
هلمند ده 215 میوند قول اردو قومندانی ذبیحالله مهمندنینگ ایتیشیچه، بو عملیات آقیمیده دولت گه قرشی قوراللی کیشیلرگه کوپینچه تلفات یتیشگن و شونینگدیک کوپینچه منطقهلر طالبان نظارتیدن چیقاریلگن.
اونگه کوره، مارجه تومنی بوتونلی تازهلنگونگه قدر حربی عملیات دوام تاپیشی ممکن.
هلمند ولایتی مارجه تومنی یشاوچیلری مذکور تومنده حربی عملیات دوامی نی سورهگن بیر حالده، بوندن آلدین امنیتی کوچلر تامانیدن قطار ولایتلرده یولگه قوییلگن حربی عملیاتلر نتیجهسیز یکونلنگن ایدی.
