یاغدولیک حرکتی اعضالرینینگ ایتیشیچه، اولر بوندن کیین، مدنی حرکتلرنینگ آلدینی آلهآلمهیدیلر.
یاغدولیک حرکتی کینگشی اعضالریدن بیرقطارینینگ ایتیشیچه، یاغدولیک حرکتینینگ مدنی ایستکلریگه حکومت تامانیدن ایجابی جواب بیریلمهگن صورتده، کیمسه اوشبو حرکت اعضالرینینگ مدنی حرکتلریگه توسیق بولمهیدی.
شونینگدیک، مملکت ملی خوفسیزلیگینینگ سابق مصلحتچیسی رنگین دادفر اسپنتنانینگ ایتیشیچه، اجتماعی آلیسلیکلر، ایلگریگه نسبتن کوپهیگن.
«افغانستان مدنی فعالیتلری و یاغدولیک حرکتی» آتیده «شنبه» کون یولگه قوییلگن ییغینده سوزگه چیققن نمایندهلر کینگشی اعضاسی و یاغدولیک حرکت نمایندهسی جعفر مهدوینینگ ایتیشیچه، اوشبو حرکت فعالیتگه باشلهگنیدن بویان، حکومتنینگ برچه حرکتلری برابریده مدنی شکلده حرکت قیلگن.
جناب مهدویگه کوره، ترکمنستاندن آلیب کیلینهدیگن 500 کیلو ولت برق لینی بامیان- میدانوردک یولیدن اوتکزیلمهگن تقدیرده باشقه هیچ بیر یولدن اوتکزیلمهیدی.
یاغدولیک حرکتینینگ اوشبو اعضاسینی آگاهلنتیریشیچه، حکومت سیستماتیک و تبعیضلی حرکتلریدن قول تارتمهگن صورتده، بو حکومتنینگ ادارهسی مدنی ارزشلرگه ایشانمهیدیگنلرنینگ قولیگه توشیشی ممکن.
یاغدولیک حرکتی، ملی بیرلیک حکومتی ترکمنستاندن کیلهدیگن 500 کیلو ولت برق لینی بامیان- میدانوردک یولیدن سالنگ یولیگه اوزگرتیریلگنیدن کیین تشکیل ایتیلدی و حکومتنینگ قراریگه قرشی توردی. بو حرکت، حکومت قراریگه قیته تیکلهشی خصوصیده، مملکت ایچیده و تشقریده ناراضیلیک نمایشلر یولگه قویدی و بو ناراضیلیکلردن بیری کابل شهری دهمزنگده یولگه قوییلیب و خودکش هجومگه دوچ کیلدی و بو خودکش هجوم نتیجهسیده 400 دن آرتیق کیشی هلاک ایتیلیب و یرهلندی.
