افغانستان بوییچه انسان حقوقی ایرکین کمیسیونی، بلخ ولایتی نینگ شولگره تومنیده 7 تینچ اهالی طالبان تامانیدن گروگه آلینیب و اولدیریلگنینی «خلق ارا انسان دوستلیک حقوقی آچیق شکلده نقض ایتیلگنی و حربی جنایت» بولگنینی بیلدیرگن.
اوتگن «سهشنبه کون، 19- حمل» بلخ ولایتی نینگ خوفسیزلیک رسمیلری، مذکور ولایت نینگ شولگره تومنی «جرهای نهرسرخ» قیشلاغیده طالبان گروهی 8 تینچ اهالینی اوغیرلب و اولردن 7 تهسینی آتیب اولدیرگنینی ایتگن ایدیلر.
اوشبو کمیسیون نینگ ایتیشیچه، مذکور 7 تینچ اهالیدن 3 تهسی کودک بولیب بیر کودک یرهلنگن.
اوتگن کون «پنجشنبه، 21- حمل» افغانستان بوییچه انسان حقوقی ایرکین کمیسیونی تامانیدن نشر قیلینگن خبرنامهده طالبان نینگ بو ایشی قارهلنیب و اونی جنایتلی بیر ایش دیب و ینه بیر بار دولت گه قرشی قوراللی عصیانچیلردن خلق ارا انسان دوستلیک حقوقینی رعایت قیلیشلری، گناهسیز و تینچ اهالی نینگ اولدیریشدن قول تارتیشلری طلب قیلینگن.
طالبان گروهی حاضرگهقدر بو توغریده میدیالرگه هیچ نرسه دیمهگن.
شونینگدیک، انسان حقوقی ایرکین کمیسیونی، حکومت دن یشاوچیلرنینگ خوفسیزلیگی تأمینلنیشی و جانلری سقلهنیشی توغریسیده جدی چاره تدبیر کوریشینی سورهگن.
