.jpg)
موتر، دیوارلر، دکانلر یوزی و شهر ملی بسلرینینگ پنجرهلری تورلی رکلاملر و تبلیغلر ارا تولگن؛ و شونینگدیک، سونگی کونلرده جادهلر و تورت یوللر کته رکلام لوحهلری بیلن بیزهلگن؛ بیراق لوحهلر و بیلگیلرده کوپلب ناتوغری یازمهلر کورینهدی و جذب ایتووچه ریجهدن درک یوق دیر. اوشبو بیلگیلر اورگهتیش و تربیهلش، سوداگرلیکدن باشلب بایودین سقیزیگچه اهالی اوچون رکلام قیلهدی.
کابل جمعیت و نقلیه واسطه کوپلیگی یانیده نمایشی رکلاملر کونسایین کوپهییشیگه روپهره بولیب تورگن.
کابلده مارکیتی رکلام بیلیگیلریدن کوپینچهسی انگلیس تیلیده یازیلگن؛ بیراق انگلیسی یازیشلر هم املایی خطادن بوش ایمس دیر.
باشکینت یشاوچیلریدن بیرقطارینینگ ایتیشیچه، بوندهی رکلاملرنی کوپهییشی اولر اوچون فرق قیلمهیدی، بیراق باشقه بیرقطارینینگ ایتیشیچه، باشکینت سیماسی اوتگن 10 ییلگه نسبتن چیرکین بولگن؛ بولرنینگ ایتیشیچه، رکلام لوحهلری فارسی و پشتو تیللریده توغری یازیلگنده، باشکینت کورینیشی انگلیس تیلیگه نسبتن کوپ یخشی کورینهدی.
.jpg)
شهر مرکزی اطرافدن کوره آرتیق رکلام لوحهلریدن تولگن. الیاس، کابل یاشلریدن بیری دیر. او بیلن کارته چهار منطقهسیده اوچرهشدیم و اوندن رکلام لوحهلری توغریسیده سورهدیم. الیاسنینگ ایتیشیچه، اوشبو لوحهلردن یخشی بیر شکلده فایدهلنیلگن صورتده، شهر چرایلیگی آرتهدی، بیراق رکلاملر تورلی بولگنی و ایریم تیللرگه یازیلگنی باعث، کابل باشکینت سیماسینی قولدن بیرگن.
رکلام لوحهلریده ناتوغری یازیلگنده خطا اوقیش مدنیتی رواجلنیش امکانی بولگن سوراققه جواب الیاسنینگ ایتیشیچه، افغانستان جماعهسی حاضرگهقدر سوادسیز جماعه سنلهدی. «شبههسیز کتابلر، میدیالر و شهری رکلاملرده ناتوغری یازیشلر و املایی خطالر رواجلنیشی ناتوغری یازیش و خطا اوقیش اوستیگه تأثیر قویهدی.»
شهرده بولگن رکلام لوحهلری حددن تشقری کوپلیگی اوچون بیرقطارینی کوریب و اوقیگنیمدن سونگ، اوزیمنینگ دارالامان جادهسیده تاپدیم و او ییرده اقتصاد بولیمی اوقووچیسی زهرا محمدی بیلن اوچرهشدیم. او، الیاسدن سورهگن سوراققه جواب ایتیشیچه، هر کون عادی شکلده تورلی رکلام لوحهلری و بیلگیلرگه ایستر و ایستهمسدن روپهره بولهدی و کوپینچهسینی یانیدن بیفرق یاندهشهدی. اونینگ کوپهیتیریشیچه، کابل شهریده رکلام لوحهلری کوپلیگی یشاوچیلر دقتینی کمهیتیرگن.
بیراق، اونینگ رکلام لوحهلر ریجهسی توغریسیده ایتیشیچه، بیرینچی اوقیگن جملهسی چیرایلی بولگنده، بوتون رکلامنی اوقیب اوتهدی، « لیکن رکلاملردن کوپینچهسینینگ متنی چیرایلی و توغری بولمهگنی سبب، اوقیشیگه قیزیقمهیمن.»
اسد، کارته پروان منطقهسیده کابل یشاوچیلریدن بیری دیر. اونینگ ایتیشیچه، رکلام لوحهلری و بیلگیلرده انگلیس تیلیدن فایدهلنیش و ناتوغری یازیشلردن نفرتلنهدی. او، حکومتدن اوزگه تیللرگه یازیلگن رکلاملرنی ییغیب و اوشبو رکلاملر توغری یازیلیشی اوچون یخشی لایحهلر قولگه آلینیشینی سورهیدی.
باشکینت یشاوچیلرینینگ اورغولشیچه، افغانستان حکومتی اینیقسه مدنیت و معلومات وزیرلیگی رکلام یازیشگه معیارنی نظرگه آلیب و ناتوغری یازیش رواجلنیشیگه توسیق بولیشی کیرهک.
.jpg)
کابل یشاوچیلرینینگ توشونچهلری و صحبتلری، آیاغیمنی مدنیت و معلومات وزیرلیگیگه تارتدی و یشاوچیلرنینگ سوراقلری و توشونچهلرینی مذکور وزیرلیک رسمیلری بیلن شریک قیلدیم. مدنیت و معلومات وزیرلیگی سوزلاوچیسی صابر مومندنینگ ایش دفتریده تاپدیم و احواللشگنیمیزدن سونگ، سوراقلریم جوابیگه ایتیشیچه، نیچه وزیرلیک و ریاستدن تشکیل ایتیلگن کمیسیون کابل و باشقه ولایتلرده رکلام لوحهلرینی اصلاح قیلیش خصوصیده، ایش قیلهدی. اونگه کوره، اوشبو کمیسیون شهردارلیکدن فعالیت جوازی آلگن رکلام و بیلگیلرنی متن نقطه نظریدن اصلاح قیلهدی.
بیراق، رکلام تختهلری، نمایشی بیلگیلر، کونسایین املایی خطالر، اوزگه متنلر و املایی خطالرنی اصلاح قیلیش کمیسیونینینگ فعالیتیگه قرهب دوستلریم دن بیرینینگ ایتگن گپی ایسیمگه توشدی: «تویهنینگ قییری توغری که بوینی توغری بولسه.»
اوشبو رکلاملر عادی کونلرده هم شوندهی قالهدی؛ خلق ارا ییغینلر یولگه قوییلیب و یا-ده سیلاولر کمپاینلری باشلنگن صورتده، کابلده رکلام لوحهلری و بیلگیلر میزانی حد دن تشقری آشهدی و کابل سیماسی صورت و شعار کورگزمهسیگه اوزگرهدی و بو رکلاملرنینگ اثرلری آیلر و ییللر هم جاییده قالهدی.
