کنر ولایتینینگ یاشلریدن کوپینچهسی اوتمیشلرده چرس و تریاک تارتهدی ایکن و شو کیچه-کونده کوپلب شیشه یا-ده کریستال گه یوز کیلتیرگنلر؛ بو ماده تارتیلگنیدن سونگ، تارتگن کیشینینگ ساعتلرچه هوشسیز سقلهیدی.
کنر ولایتینینگ مانوگی تومنیده کریستال گه چالینگن بنگیلرنینگ رقمی کونساین کوپهیماقده دیر. اوشبو بنگیلرنینگ ایتیشیچه، بنگیوار ماده ننگرهار ولایتیدن کنر ولایتی گه انتقال بیریلهدی.
کنر ولایتینینگ مانوگی تومنی ننگلام منطقهسینی یشاوچیلریدن بیری غریبالله نینگ سلاموطندارگه ایتیشیچه، کیچیک ایناغهسی کمیده ایکی ییلدن بویان کریستال تارتهدی و حاضر جماعهده یوک سنلهدی.
شونینگدیک، کنر ولایتینینگ مخدره ماده گه قرشی کورهش ریاستی، اوشبو ولایتده کریستال بنگیلری کوپهیگنینی تصدیقلیدی، بیراق اصلی عاملینی ایشسیزلیک دییدی.
کنر بنگیلرینینگ 20 بسترلیک کسلخانهسی، بنگیلر پولسیز دارولنهدیگن بیرینچی مرکز سنلهدی.
اوشبو کسلخانه باشلیغی سلطانمحمد عظیمینینگ ایتیشیچه، اوتمیشلرده باشقه ولایتلرنینگ بنگیلری شو کسلخانهده دارولنهدی ایکن، بیراق حاضر مراجعتچیلریدن کوپینچهسی کنر یشاوچیلری بولیب و اولردن کوپینچهسینی یاشلر تشکیل بیرهدی.
داکترلرنینگ ایتیشیچه، کریستال گه چالینگن کیشیلرنینگ فرزندلری دنیاگه کیلگنلریدن سونگ، روحی و جمسی قیینچیلیکلرگه روپهره بولهدیلر.
عین حالده، کنر ولایتینینگ امنیتی رسمیلری، اوشبو ولایت گه مخدره ماده قاچاقی آلدی آلینیشی اوچون جدی تدبیر کوریلیشی و قاچاقچیلر قولگه آلینیشیدن خبر بیرهدی.
