پارلمان اعضالری مملکتده مخصوص قوم زنجیرهیی شکلده اولدیریلیشیدن تشویش بیلدیریب، افغانستان دشمنلری بوندهی برنامهلری بیلن خلق اورتهسیده کوپلب نفاق کیلتیرهدی دیگنلر.
نمایندهلرنینگ شنبه کونگی عمومی ییغینده، بغلان ولایتی نینگ تاله و برفک تومنیده 13 کانچی اولدیریلیشیدن خواطر بیلدیریب، حکومتدن بونقه حادثهلر آلدی آلینیشینی سورهگنلر.
مجلس اعضاسی محمدعارف رحمانی نینگ ایتیشیچه، بیرییلدن بویان سیاسی اولدیریشلر دوام ایتیب کیلماقده و مخصوص قومنی قومنی هدف آلیب اوشبو قومدن اولدیرهدیلر. اونگه کوره، مذهبی و نژادی اوروشنی پیاده قیلهدیگن ایریم مملکتلر تامانیدن مخصوص قومنی هدف آلهدی. جناب رحمانیگه کوره، بونقه اولدیریشلر دوام ایتگن تقدیرده، خلق اورتهسیدهگی بیرلیککه ضرر ایتکزهدی.
نمایندهلر کینگشی باشلیغی عبدالرؤوف ابراهیمی حکومتدن انتقاد قیلیب ایتیشیچه، افغانستان ملی کینگشی و عالملر کینگشی دایما بونقه حادثهلردن اوز خواطرلرینی بیان قیلگن، بیراق بونقه حادثهلر آلدینی آلیش اوچون حکومت بیر ایش قیلمهگن. مجلس باشلیغی نینگ بیاناتیگه کوره، بونقه اولدیریشلر دوامی یمان حالتلر کیلتیریشیگه سبب بولهدی.
اجراییه ریاستی ایکینچی اورین باسری محمدمحقق هم خبری انجمن اوتکزیب بغلان ولایتی نینگ تاله و برفک تومنیدهگی کانچیلرنی داعش و طالبان جنگریلری اولدیرگن دیگن.
باشقه بیرتاماندن انسان حقوقی فعاللری، دین عالملری، مدنی فعاللر و بلخ یشاوچیلری ناراضیلیک ییغینی اوتکزیب تینچ اهالی اینیقسه 13 کانچی اولدیریلیشینی قارهله دیلر. اولر بونقه حادثهلر آلدی آلینیشی اوچون حکومتنی جدی عمل قیلیشینی سورهیدیلر.
سونگی ایکی ییلده حکومتگه قرشی گروهلر، مملکت بویلب خاص بیر قومگه هجوم قیلیب و اوشبو قومدن کوپلب قربانلیک آلگنلر. شو سونگی کونلرده ینه بونقه حادثهلر کوپهیب بارماقده.
