افغانستان بوییچه برقرارلیک و یقینلیک سیلاو تیمی نینگ طرفدارلری، جوزجان، پروان، پنجشیر و غور ولایتلریده جمهورلیک ریاست سیلاویده ساختهکارلیک یوز بیرگنی گه قرشی ناراضیلیک بیلدیریشگن.
اوشبو اعتراضچیلر سیلاو ایرکین کمیسیونیدن ساخته و بایومتریکسیز آوازلرنی تنیق آوازلردن اجرهتیشینی سورهگن.
اعتراضچیلرنینگ ایتیشیچه، قیینچیلیکلرگه قرهمهی آواز بیریش مرکزلرگه باریب آواز بیریشگن، بیراق حاضر سیلاو ایرکین کمیسیونی اولرنینگ تنیق آوازلرینی ساخته و ناپاک آوازلرگه قوشیشنی ایستهیدی و بو ایش اولر اوچون قبول قیلینمس دیر.
برقرارلیک و یقینلیک سیلاو تیم باشلیغی علیاحمد عثمانی نینگ ایتیشیچه، سیلاو ایرکین کمیسیون و دنیا جماعهچیلیگی سوزلشوولر ارا وجودگه کیلگن قیینچیلیکلرنی حل قیلیب و ناراضیلیکلرگه نقطه قوییشلری کیرهک.
جناب عثمانی نینگ آگاهلنتیریشیچه، سیلاو ایرکین کمیسیونی مملکت یشاوچیلری نینگ ایستکلریگه ایجابی جواب بیرمهگن صورتده، قولگه آلگن باشقه ورینتلردن فایدهلنهدیلر.
افغانستان بوییچه جمهورلیک ریاست سیلاوی، جاری ییل، 6- میزان ده یولگه قوییلدی، بیراق سیلاو ایرکین کمیسیونی حاضرگهقدر بو سیلاونینگ دستلبکی نتیجهسینی اعلان قیله آلمهگن.
اوشبو موضوع توغریسیده سیلاو ایرکین کمیسیونی مسؤوللری نینگ فکرینی اورگهنیش اوچون علاقه قوردیک، بیراق تکراری قونغیراقلر نتیجهسیده مؤفق بولمهدیک.
