.JPG)
افغانستان ژورنالیستلر ملی جمغرمهسی، خبرچیلرگه قرشی خشونتلی قضیهلرگه ایتیش بیرگه لیک کمیته ایشیدن ناراضلیک بیلدیردی.
بوگون می اوچونچی کون خلق ارا میدیا کونی مناسبتی بیلن«خبرچیلر امنیتی و مصونتی» نامیده کابلده ملی ییغین آلیندی.
افغانستان ملی ژورنالیستلر جمغرمهسی نینگ اعضاسی فهیم دشتی، خبرچیلرگه امنیت و مصونتی بولمهگنی ییریک خواطرلردن دیب، دولت 15 ییل اوتیشی بیلن بوبارهده هیچ بیر ایش قیلمهگن دیدی.
جناب دشتی، خبرچیلر نه فقط جانی مصونیتگه ایگه ایمس بل ایش مصونتیلری هم یوق دیب تأکید قیلهدی.
بو افغانستان ژورنالیستلری ملی جمغرمهسی نینگ اعضاسی خبرچیلرگه قرشی خشونتلی قضیه لر تیکشیره دیگن بیرگهلیک کمیته ایشلریدن انتقاد قیلیب ایتیشیچه، مذکور کمیته ایشلری قانیقرلی ایمس و ایکی آی اوتیشی بیلن هیچ قندهی بیر اولتیریش حتی آلمهگن.
جناب دشتیگه کروه، اوشندهیکه خبرچیلر دولتی رسمیلر، زوروانلر و ییرغاصبلری تامانیدن تهدید بولهدیلر، اما اولرنینگ بیمه و تقاعد حقلری رسانهلر ایگهلری نظرده توتیلمهگن.
فدراسیون اعضالریدن بیری رحیمالله سمندر، ولایتلردهگی خبرچیلر وضعیتی مرکزدهگی خبرچیلردن یمانراق دیب، خبرچیلرنینگ حقوقی آز و ناتینچلیکلر سبب خبرچیلر ولایتلرده سفر قیله آلمیدیلر دیدی. جناب سمندرگه کوره، مملکت 20 ولایتیده عیال خبرچی فعالیت قیله آلمیدی.
اجراییه باشلیغی عبدالله عبدالله رسانه چیلردن خبرچیلرگه قرشی خشونتلر قضیهسی تیکشیریلیش اولتیریشلرده افتخاری اشتراک ایتیب قضیهلرنی نظارت قیلیشلرینی طلب قیلهدی.
باشقه بیر تاماندن افغانستان ایرکین ژورنالیستلر اویوشمهسی، 2016-ییلنی خبرچیلر اوچون اینگ یمان ییل دیب ایتیشلریچه، شوییلده خبرچیلرگه قرشی 128 خشونتلی حادثه روی بیرگن که جملهدن 14 خبرچی جان بیرگن و جاری میلادی ییل باشلنگنیدن حاضرگه قدر ایسه 2 خبرچی اولدیریلگن.
ایتیش کیرهک اوتگن کونی باشقرهلاوچیلیک ادارهسی سوزلاوچیسی جمشید رسولی خبری انجمن آلیب حاضرگه قدر خبرچیلرگه قرشی خشونتلی 697 قضیه تیکشیریلگن دیگن ایدی.
