بوگون «سهشنبه» کابلده خبری ییغین اوتکزگن انسان حقلری کمیسیونی، اویدن قاچیش واقعهلری توغریسیده ینگی گزارش نتیجهسینی اعلان قیلدی. اوشبو گزارشگه کوره، قویاش 1396- ییلده کابل حوزهسیده 108 اویدن قاچیش قضیه یوز بیرگن و بو جملهدن 69.44% کابل ولایتیده بولگن.
انسان حقلری کمیسیونی باشلیغی سیما سمرنینگ ایتیشیچه، عایلهوی زورهوانلیکلر، روحی قیناقلیکلر، الداوچیلیک و اقتصادی قیینچیلیکلر باعث، عیاللر اویدن قاچیش گه مجبور بولهدیلر.
انسان حقلری کمیسیونینینگ ینگی گزارشیده کیلیشیچه، اوتگن ییلده 8 اویدن قاچیش قضیه پروان ولایتیدن، 6 قضیه کاپیسا ولایتیدن، 4 قضیه بامیان ولایتیدن، 3 قضیه لوگر ولایتیدن، 3 قضیه دایکندی ولایتیدن، 3 قضیه غزنی ولایتیدن، 2 قضیه بلخ ولایتیدن، 2 قضیه ننگرهار ولایتیدن و باشقه 2 قضیه قندوز ولایتیدن کابلده انسان حقلری کمیسیونینینگ ساحوی دفتریده رویخطگه آلینگن.
