افغانستان ایرکین میدیالریدن حمایت قیلووچی تشکیلات یا-ده "نی" مسووللرینینگ ایتیشیچه، نیمروز ولایتیده قطار میدیالر مالی قیینچیلیکلر باعث باغلهنیب قولگن و وضعیت شونینگدیک دوام تاپکن صورتده، باشقه میدیالرنینگ هم فعالیت دن قالیشی ممکن.
بوگون "پنجشنبه" کابلده خبری ییغین اوتکزگن مذکور تشکیلات اجرایی باشلیغی مجیب خلوتگرنینگ ایتیشیچه، نیمروز ولایتیده مالی قیینچیلیک باعث 6 میدیا فعالیت دن قالگن.
جناب خلوتگر گه کوره، نیمروز ولایتینینگ میدیالریگه دقت بولمهگن صورتده، مذکور ولایت باشقه میدیالرینینگ هم فعالیت دن قالیشی ممکن.
جناب خلوتگرنینگ ایتیشیچه، قطار معلوماتلرگه کوره، ایران و پاکستان استخباراتی نیمروز میدیالریدن مالی حمایت قیلیشنی پیشنهاد قیلگن؛ بیراق مذکور میدیالر مسووللری قبول قیلمهگن. او حکومتدن نیمروز میدیالریگه مالی همکارلیک قیلیشینی سورهیدی.
افغانستان ایرکین میدیالریدن حمایت قیلووچی تشکیلاتینینگ اجرایی باشلیغی گه کوره، نیمروز میدیالری مالی قیینچلیکلر چکهسیده ناتینچلیکلر و باشقه قطار قیینچیلیکلر بیلن روپهره بولگن.
خلوتگر گه کوره، نیمروز حاکمی و باشقه محلی مسووللر، اوشبو ولایت میدیالری بیلن فرقلی یاندهشهدی و معلوماتلرگه قول تاپمهیش سبب، نیمروز میدیاللرینینگ گزارشلری فرقلی ترقهلهدی.
