جوزجان محلی مسووللری نینگ ایتیشیچه، اوشبو ولایت نینگ درزاب تومنیده طالبان گروهی اوز جنگریلریگه کرونا ویروسیگه چلینگنلرنینگ اولدیریشلریگه بویروغ بیرگن.
جوزجان حاکمی سوزلاوچیسی عبدالمعروف آذرنینگ سلاموطندارگه ایتیشیچه، طالبان گروهی مذکور بویروغ آرقهلی، اوز جنگریلریگه کرونا کسللرینی اولدیریشگه رخصت بیرگن.
اونینگ ایتیشیچه، طالبان گروهی نیچه مدتدن بویان کرونا ویروسی چکهسیده اهالیگه قرشی هیچقندهی جنایتدن قول تارتمهیدی.
جوزجان یشاوچیلریدن بیرقطاری، کرونا ویروسیگه چلینگنلرنینگ اولدیریش بویروغینی بشریت گه قرشی جنایت عنوان قیلیب و اوشبو گروهدن وضعیتنی کنترل قیلیش اوچون اهالیگه یاردم بیریشینی سورهگنلر.
طالبان گروهی حاضرگهقدر بوتوغریده فکر بیلدیرمهگن.
درزاب تومنی جوزجان ولایتی نینگ ناتینچ تومنلریدن بیری دیر و نیچه پیت آلدین طالبان قولیگه سقوط قیلگن ایدی.
