کنر ولایتینینگ قوم یاش اولوغلری، ولایتی کینگش اعضالری، دین عالملری و مدنی جماعهچیلیک فعاللری بوگون (سهشنبه) بیر ییغین اوتکزیب، ایران بو مملکتدهگی افغانستانلیک قاچقینلرنی ضعف نطقهلریدن فایدهلهنیب اولرنی سوریه اوروشی اوچون جنگچیلیککه آلهدی دیگنلر.
کنر ولایت کینگشینینگ اعضاسی عبداللطیف فضلینینگ بو ییغینده ایتیشیچه، قوشنی مملکتلر افغانستانلیک مهاجر یاشلرگه پول بیریب سوء استعمال قیلهدی.
شونینگدیک مذکور ییغینده اشتراک قیلیب سوزگه چیققنلر افغانستانلیک 20 یاش سوریه گه اوروشگه یوباریلگنی بارهسیده خبر بیرگنلر. بولر، ایرانده افغان قاچقینلرینی قورال صفتیده استفاده قیلمسلیگینی سورهگنلر.
دین عالملریدن بولمیش نجیبالله حقیار و قاری سیداحمد، ایران افغانستانلیک مهاجرلرنی پول بیریش بیلن سوریه اوروشیگه کیتیش اوچون ترغیب قیلهدی دیگنلر.
بوندن نیچه وقت آلدین سلاموطندار نی قولگه کیریتگن گزاریشیده، ایران نیچه وقتدن بیری سوریه اوروشی اوچون افغان قاچقینلرینی سوء استعمال قیلیب کیلگن معلوم قیلینگن ایدی. افغان همده ایران رسمی لر بوندهی گزارش لرنی رد قیلیب، بو مملکت حزب الله لبان حرکتی همکارلیگی بیلن عراق و پاکستان شیعهلرینی سوریه اوروشیگه یوبارگن.
ایریم گزارشلرده یازیلیشیچه، ایراندهگی بعضی افغانستانلیک قاچقینلری عایلهسی فرزندلری ایران مکتبلریگه آلینیشی همده یشش حجت قولگه کیریتیش اوچون جنگده اشتراک قیلیشگه مجبور بولهدیلر.
