غور بیلیم یورتینینگ اوقووچیلرینینگ سلاموطندارگه ایتیشلریچه، ولایت بیلیم یورتی تأسیسیدن آلتی ییل اوتهدی، بیراق هنوز هم مذکور بیلیم یورت ساختمانگه ایگه بولمهگن. طلبهلرگه کوره، ساختمان و صنف بولمهگنلیگی سبب، اولرنینگ اوقیشلریگه قیینچیلیک تاپیلگن.
کامپیوترساینس طلبهلریدن حمیداللهنینگ ایتیشیچه، حاضرگه قدر اوقووچیلر معیارسیز تعمیرلرده سبق اوقیشلریگه محلی رسمیلر و یوکسک تحصیلات وزیرلیگی توجه قیلمهگن.
اونگه کوره، طلبهلر چادرلر و کرالیک کیچیک اویلرده اوقیش بیلن مصروف.
مذکور بیلیم یورت باشقه بیر طلبهسی امین ناطقی هم چادرلر آستیده درس اوقیش پیتیده بیر و یا ایکی کیشی اوزیدن کیتیب قالهدی دیدی.
غور بیلیم یورتینینگ باشلیغی عطاالله فاضل هم ساختمان و مناسب اوقیتیش مکانی بولمه گنلیگینی اساسی قیینچیلیکلری دیب بیلهدی.
اونینگ ایتیشیچه، اوچ ییل آلدین غور بیلیم یورتینینگ ساختمانی پوزهلیچ منطقهسیده توزهتیلیشیگه توافق بولگن ایدی، بیراق بودجه بولمهگنی سبب قالگن.
غور بیلیم یورتینینگ باشلیغی ساختمان بولمهگنی دلیل طلبهلر کتابخانه، انترنت و ساینس ینگیلیکلریدن محروم قالگنلر.
غور ولایتینینگ والیسی غلام ناصر خاضع بیلیم یورت اوچون ساختمان بولمهگنی طلبهلرگه اینگ کتته معمالردن ایکنلیگینی تصدیقلب، بیلیم یورت ساختمانی توزهتیلیش بیتیمیگه خصوصی شرکتلر بیلن قول قویگنلیگینی تیلگه آلیب تیزلیکده اوشبو بیلیم یورت ساختمانینینگ ایشی باشلنهدی دیدی.
غور بیلیم یورتی بوندن آلتی ییل آلدین تأسیس قیلینیب حاضر ایسه مذکور بیلیم یورت ایریم رشتهلریده ۸۰۰ دن آشه طلبه درس اوقیماقده.
غور محلی رسمیلریگه کوره طلبهلردن ۳۰٪ ینی قیزلر تشکیل بیرهدی.
