غزنینینگ کشک قیشلاغینی اوقیتووچیلری، اوقووچیلری و یشاوچیلری مذکور قیشلاق مکتبینینگ یاپیق قالگنی باعث ناراضلیک قیلگنلر.
اولرنینگ ایتیشیچه، دلآرام مکتبینینگ اطرافیده امنیتی کوچلرنینگ ییرلشگنی باعث اوشبو مکتب ایکی آی دن بویان یاپیق دیر.
ناراضچیلرنینگ ایتیشیچه، امنیتی کوچلرنینگ اوشبو مکتب اطرافیده ییرلشگنی و گاهگاهی امنیتی کوچلر و طالبلر آرهسیده آتیشمه یوز بیریشی سبب مذکور مکتب یاپیق قالگن.
غزنی معارف باشلیغی محبالرحمان انصارنینگ ناراضچیلردن حمایت قیلیب ایتیشیچه، اوشبو قیینچیلیکنی حل قیلیش اوچون امنیتی مسووللر بیلن صحبت قیلگن؛ بیراق اوشبو صحبتلر حاضرگهقدر نتیجه بیرمهگن.
عینحالده، غزنی پولیس قومندانلیگینینگ سوزلاوچیسی فرید مشعلنینگ ایتیشیچه، اهالی و مکتبلرنینگ خوفسیزلیگینی تامینلش امنیتی کوچلرنینگ مسوولیتلریدن دیر و هیچبیر مکتب حربی مرکزگه اوزگریلمهگن.
مشعلنینگ ایتیشیچه، بو قیینچیلیکنی حل قیلیش اوچون بیر هیت محلگه یوباریلگن، اهالی ایستهگن صورتده؛ امنیتی کوچلر باشقه محلگه انتقال بیریلهدی.
کشکنینگ دلآرام مکتبی غزنی شهرینینگ 5 کیلومترلیگیده قرار تاپگن و کمیده 1200 اوقووچی اوشبو مکتبکه تعلیمات کورهدی.
عینحالده، غزنی معارف ریاستی مسووللرینینگ ایتیشیچه، امنیتی تهدیدلر باعث اوشبو ولایت قطار تومنلریده 22 مکتب یاپیق قالگن.
