بوگون (یکشنبه) هرات شهریده ییریک کتاب کورگزمهسی آچیلدی. ینگیدن باسیلگن مینگلب کتابنی تانیشتیریش و کتاب اوقیش مدنیتینی رواجلنتیریش نامی آستیده اوتکزیلگن بو ییغینده ولایت محلی بلند مرتبهلی رسمیلر داخل فرهنگیلر اشتراکیده ولایت اخبارات و مدنیت ریاستیده آچیلدی.
برنامهنی یولگه قویگنلر اوشبو کورگزمهده 30 شهابچهده بیش مینگ عنواندن عبارت 40 مینگ جلد کتاب کورستوگه قوییلگن لیگینی بیلدیرگنلر. «کتاب اوقیش مدنیتینی رواجلنتیریش» کورگزمهسی اون کون آچیق بولهدی دیگن تشکیلاتچیلر. مملکت خلقی هنوز هم کتاب اوقیش بیلن اونچهلیک آشنا ایمس بوندهی کتاب کورگزمهلرینی اوتکزیش و کتاب اوقیش اوچون اهالی ترغیب بولهدی دیگن برنامهنی اوتکزگن مسووللر.
کورگزمهنی خوش قرشیلهگن هرات ولایتی نینگ والیسی محمد آصف رحیمی، اجتماعی ترماقلر سانی آشگن لیگی خلق ایچیده کتاب اوقیش مدنیتیگه کته ضربه بیرگن دیگن. ولایت والیسی اهالیدن 24 ساعت ایچیده بیر ساعت وقتنی کتاب اوقیشگه اختصاص لشتیریلشلرینی سورهگن.
هرات اخبارات و مدنیت ریاستی نینگ باشلیغی آریا رووفیان، کتاب اوقیشنی رواجلنتیریشنینگ بیرینچی یولی کتاب کورزگرمهلرینی اوتکزیش بیلن ممکن ایکن لیگینی تیلگه آلگن. اولر، کتاب اوقیش و کوزگرمهلر یولگه قوییش بیلن یاش – ییگیتلرنی مطالعه قیلیش و کتاب اوقیشگه ترغیب ایتیشلرینی بیلدیرگنلر.
شونینگدیک بیر قنچه کتاب ساتیووچلری هم بوندهی برنامهلر اوتکزیلیشینی خوش قرشیلهگنلر. اولر، کتاب کورگزمهلرینی اوتکزیش خلقنی کتاب اوقیشگه ترغیب ایتیش یانیده کتاب بازاری هم یخشی بولیشی اوستیده تاکید قیلگنلر.
بو ییریک کتاب کورگزمهسیده دینی، عرفانی، سیاسی، تاریخی، فلسفه، روانشانسی، جماعهشناسی، ادبیات، طلبهلر و محصللر اوچون کتاب و فارسی تیلیگه ترجمه بولگن غربده یازیلگن کتابلر اون کون کورستوگه قویلیشی ریجه لنتیریلگن.
