کابل شهرینینگ 11- ناحیهسی یشاوچیلریدن بیرقطاری، صحی ایچیملیک سوو یوقلیگیدن خواطر بیلدیریب ایتیشیچه، نیچه ییلدن بویان اولرنینگ نللرینی سووی اخلتلر و افلاسلنگن سوولرگه قوشیلهدی و شو یوزهدن اولرنینگ بالهلریدن کوپینچهسی تیری، آمیب و باشقه تورلی کسللیکلرگه دوچار بولگنلر.
محل یشاوچیلریگه کوره، اولر قیینچیلیکلرینی نیچهمرته مسئولر بیلن اورتهگه قویگن؛ بیراق حاضرگچه اوشبو قیینچیلیک نی حل ایتیلیشی توغریسیده هیچقندی اقدام بولمهگن.
کابل شهری 11- ناحیه یشاوچیلرینینگ ایتیشیچه، کابل سووییتکزیش مسئولری اولرنینگ قیینچیلیکلریگه توجه قیلمهگن صورتده، افلاسلنگن سوولردن اورتهگه چیققن کسللیکلر کوپهیشی ممکن.
بیراق کابل شهری زونینینگ سوو ییتکزیش عمومی ریاست مسئولرینینگ ایتیشیچه، اولر پنجصدفامیلی یشاوچیلرینینگ قیینچیلیگیدن خبرلری بار و کیلهسی مالی ییلده مذکور قیینچلیکنینگ حل ایتیلیشی توغریسیده بودجه اجرهتیشگه قرار قیلگنلر.
سلاموطندارگه صحبت بیرگن کابل زونینینگ سوو ییتکزیش عمومی باشلیغی سردارولی ملکزینینگ ایتیشیچه، سووییتکزیش ترماغلرینینگ کوپینچهسی پیادهرو لرده قرار تاپگن و اهالی پیادهرولرده سپیتک قودوقلر قازگنلر.
ملکزی جنابلریگه کوره، اهالی مالی یاردم بیرگن صورتده، اولر ایرته«سهشنبه» مذکور قیینچیلیکنی حل ایتیلیشی اوچون اقدام قیلهدیلر.
کابل شهری زونینینگ سووییتکزیش عمومی باشلیغینینگ ایتیشیچه، اهالی اوشبو قیینچلیک نی اساسی شکلده حل ایتیلیشی و سوو ناپاک بولمسلیگی اوچون، سووییتکزیش ترماغلرینی یقینلیگیده سپتیک قودوقلر قازیشیدن قول تارتیشلری کیرهک.
