نصرالله و فاطمهگه تانیلگن بیبی شاه بیربیراولری بیلن ملاقات قیلمسدن آلدین تلفون آرقهلی تماسگه ایکنلر. اولر تلفونی تماسلردن سونگ، بیربیراولرینی کوریشگه قرار قیلگنلر.
اوشبو ایکی کونگل بیرگن کیشینینگ ملاقات و تماسلری دوام تاپهدی و محبتلری هم کون اوتیش بیلن کوپهیدی، نتیجهده نصرالله بو موضوعینی آنهسیگه ایتهدی و اوندن فاطمهنی ساوچیلیک قیلیشنی طلب قیلهدی.
نصرالله نینگ آتهسی عبدالرازق کریمینینگ سلاموطندارگه ایتیشیچه، بو موضوعدن آگاه بولگنیدن سونگ، فاطمهنی اوغلیگه ایستهش اوچون نیچه مرته اولرنینگ اویگه بارهدی.
اونینگ کوپهیتیریشیچه، ساوچیلیکلری نتیجه بیرمهیدی، انهشو باعث، قیشلاقلرینینگ قطار قوم بویوکلری و آقسقاللری بیلن فاطمهنی ساوچیلیک قیلیشگه قرار قیلهدی؛ بیراق فاطمهنینگ عایلهسی اولرگه رد یا-ده تایید جواب بیرمهیدی.
نصرالله نینگ فاطمهگه قرشی بولگن سیوگیسی سبب، اونینگ آتهسی قوم بویوکلر بیلن ینه بیرمرته فاطمهنینگ ایستهش اوچون اولرنی اویگه بارهدی.
بو مرته نصرالله نی آنهسی فاطمهنینگ آنهسینی قناعت بیریش اوچون سعی و حرکت قیلهدی؛ بیراق فاطمهنینگ آنهسی نی جواب قیتهریب ایتیشیچه، نصرالله هزاره و بیز سادات میز، بیزیم قیزیمیز «بی بی» دیر و سیزلرگه خذمت قیلیشگه مناسب ایمس.
نصرالله نینگ آتهسینی دوام بیریب ایتیشیچه، اوشبو واقعهدن سونگ، ینه بیر مرته فاطمه نی ایستهش اوچون بارهدیلر؛ بیراق بو باریب کیلیشلر نتیجه بیرمهیدی.
اونینگ کوپهیتیریشیچه، نصرالله و فاطمه ناامید بولگندن سونگ، خودکشلیککه قول اورهدیلر.
نصرالله نینگ آتهسیگه کوره، فاطمه بو واقعهگه جان بیرهدی؛ بیراق نصرالله کسلخانهگه انتقال بیریلیب قوتقریلهدی.
دایکندی ولایتیده عیاللر ریاستی باشلیغی ذیکه رضایینینگ بو واقعهنی تصدیقلب ایتیشیچه، فاطمه، دایکندی مرکزینینگ سنگموم خاکباد مکتبیگه مدیر ایکن.
اونینگ ایتیشیچه، اوشبو ایکی کونگل بیرگن کیشی سنتی و قومی تعصباتلرگه قربان بولگن.
دایکندی ولایتینینگ مدنی فعاللریدن بیری یحیا عرفان نینگ ایتیشیچه، اوشبو ولایتده قومی تعصباتلر و سنتی ایشانچلر کوپهیگنه و هر کون یاشلردن قربانلیک آلهدی.
3 کون آلدین افغانستان و دنیاده قطار قیزلر و ایرککلر کونگل بیرگنلر کونیدن نشانلهگن بیر حالده، اوشبو واقعه دایکندی ولایتیده یوز بیرگن.
