پکتیکا ولایتیده حاضرگچه هیچ بیر خصوصی مکتب قوریلمهگن
پکتیکا یشاوچیلریدن بیرقطاری، اوشبو مسئلهدن خواطر بیلدیریب ایتیشیچه، پکتیکاده خصوصی مکتبلر یوقلیگی باعث، بالهلری کوندهلیک نیازلر و اساسی تعلیماتلردن محروم قالگن.
یشاوچیلریگه کوره، پکتیکا معارف مسؤوللرینینگ دقت سیزلیگی و اقتصادی قیینچیلیکلر باعث، بو ولایتده خصوصی مکتبلر قوریلمهگن و اولر پکتیکا ولایتینینگ محلی حکومتیدن بو ولایتده خصوصی مکتبلر ایجاد ایتیلیشی اوچون سوداگرلرنی آلقیشلب و اولردن حمایت قیلیشینی سورهگن.
شونینگدیک، پکتیکا معارف مسؤوللری، یشاوچیلرنینگ بو ادعالرینی تصدیقلیدی.
بیراق، پکتیکا معارف ریاستینینگ تعلیماتی اورین باسری محمدنسیم واجدنینگ ایتیشیچه، بو توغریده هر بیر سوداگر سرمایه یاتقزماقچی بولسه محلی حکومت اینیقسه پکتیکا معارف ریاستی اوندن حمایت قیلهدی.
پکتیکا مملکت مرکزیدن اوزاق و آز رواجلنگن ولایتلردن بیری سنلهدی. ایتیلیشیچه، مذکور ولایتدهگی دولتی مکتبلردن بیرقطارینی بِناسی یوق بولگن.
