سرپل معارف ریاستی مسئولرینینگ ایتیشیچه، اوشبو ولایت یشاوچیلری 115 مکتب قوریلیشی اوچون 35 میلیون افغانی بهاسی بولگن 550 مینگ متر مربع ییرلرینی پولسیز شکلده مذکور اداره نینگ اختیاری گه قویگنلر.
سرپل معارفی باشلیغی عبدالغفور سرپلینینگ ایتیشیچه، مذکور ولایت مکتبلریدن 10 فایزینینگ بناسی یوق دیر و اوشبو مکتبلرنینگ بناسی قوریلیش ایشی تیزلیکده اهالی شرطنامهسینینگ همکارلیگی بیلن باشلنهدی.
جناب سرپلینینگ کوپهیتیریشیچه، اوقوچیلر معیاری بنالر قوریلیشی بیلن کیمه آستیده اوقیش توغریسیده بولگن قیینچیلیکلردن نجات تاپهدیلر.
سرپل حاکمی عبدالقادر آشنا یشاوچیلرنینگ اوشبو اقداملریدن خرسندلیک بیلدیریب ایتیشیچه، بناسی بولمهگن مکتبلرگه بنا قوریلیشی بیلن اوقوچیلرنینگ قیینچیلیکلردن بیر بولیمی حل بولهدی.
شونینگدیک سرپل ولایتی کینگشی اعضالریدن قطاری محل یشاوچیلرینینگ اوشبو قیلگن اِیشلرینی تقدیرلب ایتیشلریچه، برچه اهالی بوندی فرهنگلرنی کینگهیتیریب و معارف رواجلنیشی خصوصیده سهم آلیشلری کیرهک.
