.jpg)
مجید محمدی خلق ارا کوچلرینینگ سابق ترجمانی. او، نیچه وقتدن بیری ایرتلب تانگده یولاوچیلرنی سوکیش بیلن اویقودن اویغانه دیر. کوندوز تیلنچیلیک قیلهدی و کیچه ایسه تامیرلریگه پیچکاری بیلن شیشه ناملی بنگی وار مادهسی اوتکزیب، دَیدی ایتلر بیلن درختلر و کوپریکلر آستیده اوخلیدی.
بو ایرکک اوتیز یاشر ییگیت. او، هندوستاننینگ آزاد بیلیم یورتیده مهندسلیکنی ماسترلیک سویهسیده اوقیگن. او، 5 تیل جملهدن فارسی، هندی، انگلیسی، فرانسوی اسپانیایی تیللرده گپیره آلهدی.
اونی توستدن مخدر مادهلرگه بیریلگن بیر قنچه یاشلر بیلن هیرویین چیکیش پیتی اوچرهتدیم. محمدینینگ اوست باشی و وضعیتیگه قرهگنده او بنگی وار مادهسیگه بیریلگن بیر عادی کیشی بولمسلیگی بیلینهدی؛ اونی مخدر مادهسی بوندی بیر کونگه آلیب کیلگن انیقلنهدی.
قتعیلیک بیلن محمدینی کمینه بیلن صحبت قیلیشگه کوندیردیم. اوندن، بو احوالگه کیلیشیگه نیمه – نیمهلر سبب بولگن لیگی نی سورهدیم. محمدی قوییدهگیچه حکایت قیلدی. اوچ ییل آلدین هراتدن کابلگه قاچیب کیلیب ایش باشلهگن. آنه وطنینی تَرک قیلیش مالی قیینچیلیک، قتل حادثهسی و اخلاقی رسوالیک ایمس، بلکه، اونی نا معلوم تقدیرگه روپه ره قیلگن موضوع مخدر مادهگه بیریلگن لیگی و باشی بیرک کوچهده آیلنیب قالیشگه باعث بولگن.
اونینگ سوزیگه کوره، کونگیللی روشده ایمس، دوست اورتاق تاپه آلمس لیکدن هم ایمس بلکه خانهدانینینگ اعضاسی جنگری طالبلر تامانیدن سویب قربان ایتیلگن دن کیین بنگیوار مادهسیگه بیریلیشگه یوز کیلتیرگن.
محمدی افغانستاندهگی خلق ارا کوچلریگه ترجمانلیک قیلیگنی سبب کیچیک سینگلیسیدن باشقه بوتون عایله اعضاسی عصیانچی طالبلر آرقهلی سویب اولدیریلگن لیگینی حکایگه قیلگن.
.jpg)
محمدینینگ سینگلیسی عایلهسی بیش اعضاسینینگ باشی تنیدن جدا ایتیلیب اولدیریلگن لیگینی کوریش بیلن آق قتیق روحی کسللیککه مبتلا بولگن. او، هنوزگچه هم هرات روحی کسللیکلرنی درمانلش مرکزیده دوالنهدی.
حادثهدن کیین محمدی اوز کننررولی نی قولدن بیرگن. او، حیات و تیریکچیلیکدن نفرتلهنیب بنگی وار مادهسیگه یوز کیلتیرگن. محمدی خانهدانی اعضالرینی قولدن بیریگنلیگینی چیده آلمسدن بوندهی بیر حالتگه توشگن لیگینی ایتگن.
کونگلی یرهلنگن بو یاشنینگ آغیریغی یالغوز اوروش ایمس. یشاوچیلر کوزیده حلقه اورگن نفرت، هر کون محمدی قولاغینی آزار بیرهدیگن سوکیشلر، ایت کبی کوپریک و درختلر آستیده اوتکزهدیگن تیریکچلیکی اونینگ آز بولگن حیات تیشکیلرینی امیدینی یوزیگه یاپیب قویگن.
قاره بختلی بو یاش ییگیت مخدر مادهنی تَرک قیلیب، عادی حیاتگه قیتیشنی ایستیدی. او، سینگلیسی و خاطرهگه تولگن شهریگه ینه ده قیتیش نی آرزو قلهدی. اما، اهالینینگ قیزیقیشلری و نطقلرینی کوریب، کونگلیدهگی امید چراغی قیته اوچهدی. قیته اونی اوشه آق پودر و اوشه – اوشه قرانغو کوپریکنینگ آستیگه چقیره ویرهدی.
