.jpg)
افغانستان مخابرات وزیرلیگی اهالیگه پاسپورت ترقهتیش جریانی تیزلشتیریلشی اوچون "افغان پُست" آرقهلی آنلاین لایحهسینی تیارلهگن، مذکور طرحنینگ شرطنمامهسی بوگون مخابرات،ه ایچکی ایشلر و مالیه وزیرلیگی اورتهسیده امضالندی.
ملی بیرلیک حکومتینینگ اجراییه ریاستی باشلیغی عبداللهعبدالله مذکور لایحه باشلهنیشی مناسبتی بیلن اوتکزیلگن ییغینده سوزگه چیقیب، اهالیگه پاسپورت ترقهتیش اوچون بو حرکتنی ییریک بیر آدیم دییه بهالهگن. جناب عبدالله گه کوره، یخشی حکومت چیلیکنینگ وظیفهلریدن بیری ایسه فسادنی کمیتیریش دیر و لایحه ایسه فسادنی آلدینی آلیش کته تاثیری بار.
شونینگدیک حکومت اجراییه رییسی مذکور خذمتلر هنوز هم اهالی قیینچیلیگینی حل قیلیش اوچون ییترلی ایمس دیب، بوندهی لایحهلر کوپراق عملی بولیشینی آرزو قیلیب، مملکت اوزاق منطقهلریده استقامت قیلهدیگن اهالینینگ هم بو ساحه ده بولگن مشکلی حل ایتلیشینی سورهگن.
.jpg)
مذکور ییغینده سوزلهگن پاسپورت ادارهسی رییسی عمر صبورنینگ ایتیشیچه، هنوزگچه مذکور سیستم دن فایدهلهنیب 900 پاسپورت ترقهتیلگن. جناب صبور، برق کملیگی، انترنت ضعیف لیگنی و اهالینینگ مذکور خذمتلربیلن آشنا بولمهگنی ینگی لایحه یولیده بولگن ییریک مشکللردن دیگن.
شونینگدیک مخابرات وزیری عبدالرزاق وحیدی، بو سیستم آرقهلی پاسپورت ترقهتیش یولیده بولگن بعضی معمالر تیزلیکده برطرف ایتیلهدی دیگن. اما، بوتون قیینچلیکلرنی بیر مرتهگه حل قیلیش آسان ایمس دیگن جناب وحیدی.
افغانستان مخابرات وزیری، مذکور سیستم اوچ باسقیچ بیرینچی کابل، ولایتلر و سونگی باسقیچ ایسه ولسواللیکلرده عملگه آشیریلهدی دیگن.
