.jpg)
غور ولایتی نینگ محلی مسووللری، ولایتیدهگی محلی قوماندان سیداحمدگه وفادار کیشیلردن بیری، بیر خاتیننی وادیدن تشلب، سونگ اونینگ اولرچمهگه کیلگن گودهسینی آت نینگ کوتیگه تاقیب اولگونچه سورهدیگن لیگی بارهسیده خبر بیردیلر.
حادثهنی تصدیق ایتگن ولایت خاتین – قیزلر ریاستی نینگ باشلیغی معصومه انوری، مذکور خاتین چمهسی سکّیز آی آلدین بو زوروان شخص آرقهلی جنسی تجاوز بولگن ایدی دیگن. شونینگدیک اوشبو عیال مذکور ایرکک نینگ جنسی علاقهسی نتیجهسیده حامله بولگن لیگیگه اشاره قیلگن خانم انوری.
واقعه غور ولایتی دولتیار تومنی نینگ سمکِ قیشلاغیده روی بیرگن.
انسان حق و حقوقلری مستقل کمیسیونی نینگ ساحهوی بولیمی مسوولی فریده ناصری و ولایت کینگشی نینگ اعضالریدن بولمیش گلثوم رضاییلر هم واقعهنی تصدیق قیلگنلر.
مذکور خاتین قیزی بیلن فیروزکوه مرکزی شفاخانهسیدن اویی تامان کیته دیگن چاغده اولدیریلگن لیگی ایتیلهدی.
غور خاتین – قیزلر ادارهسی نینگ باشلیغی، امنیتی همده محلی ادارهلرنی بیفرقلیک همده کوچسیزلیککه عیبلهگن. ولایت خاتین – قیزلر ریاستی نینگ باشلیغی، بولر حادثه یاروتیلیشی اوچون بو خاتین نینگ قیزینی فیرزوکوهگه چیقیرگن لیکلرینی اظهار قیلگن.
بو توغریده سیداحمدنینگ فکرینی اورگهنیش اوچون هم سعی وحرکت آلیب باردیک، لیکن اونینگ فکرینی اورگهنیشگه موفق بولمهدی.
بو قبیل گزارشلرنی رد قیلگن ولایت والیسینینگ سوزلاوچیسی عبدالحی خطیبی، مذکور خاتین حقوقی قضیهنی حل قیلیش اوچون منطقه نینگ قطار قوم بویوکلری بیلن کیلهدیگن پئیتده آتدن توشیب حیاتدن کوز یومگن دیدی.
عین حالده، بوندن اوچ هفته آلدین هم قوراللی طلبلر غور ولایتیده ایکّی خاتین و بیر ایرککنی اوقه توتیب اولدیرگندن سونگ جسدلرینی یاندیریب یوبارگن ایدی. بو کیشیلرنینگ کویدیریلگن جسدی هنوز هم اجتماعی صحیفهلرده قولمه قول بولیب کیلماقده.
