مدنی نهادلردن بیرقطاری افغانستانده معارف ساحهسیده کیفیت کیلتیریش نیتیده، ملی مجلسدن مذکور وزیرلیک ییللیک بودجهسی 15 فایز کوتاریلیشینی سورهگنلر.
افغانستانده معارف کیفیتی یوقاری کیتیشدن حمایت قیلهدیگن جنبش و مدنی نهادلردن بیرقطاری کابلده اوتکزگن خبری انجمنده اورگهتیش کیفیتی قوییلیگی و مسلکی اوقیتوچیلر آزلیگی، مکتبلرده ساختمانی بولمهگنی، کتابخانهلر یوقلیگی، اوقووچیلرگه سپورت میدانی، ایچهدیگن سوو، درسلیک میز و چوکی یوقلیگی مملکت بویلب معارف وزیرلیگی نینگ ایریک قیینچیلیکلریدن دیب، اوشبو وزیرلیک بودجهسی اوتگن ییللرگه قرهگنده 15 فایز کوتاریلیشینی سورهگنلر.
بیراق معارف ساحهسیده فعالیت آلیب بارهدیگن ایش بیلرمانلر، مذکور وزیرلیک بودجهسی 15 فایز کوتاریلیشیگه قرشی نظر بیرهدی.
افغانستان علوملر اکادمیک ادارهسی نینگ فرهنگی علاقهلر باشلیغی بختمحمد بختیارنینگ سلاموطندارگه ایتیشیچه، معارف وزیرلیگیده ظرفیتلر قوییلیگی سبب، اوشبو وزیرلیک ییللیک بودجهسینی کوتاریش منطق یوزهسیدن ایمس.
معارف وزیرلیگی نینگ اوتگن ییلگی بودجهسی، جمله بودجهدن 12.5 فایز ایدی و بو مالی ییلده 0.5 فایز یوقاری کیتیشی بیلن 13.07 فایزگه کوتاریلگن.
