هرات ولایتی نینگ زاول تومنیده بم جایلشتیریلگن بیر موتر پارتلهشی، کرلیک، بالهلرنینگ کیچه سییشی و جنین نی سقط بولیشی گه سبب بولگن.
هرات ولایتی زاول تومن یشاوچیلری و محل مسئوللری نینگ سلاموطندارگه ایتیشلریچه، اوچ کیچه آلدین مذکور ولایت زاول تومنی نینگ «عزیزآباد» منطقهسیدهگی اردو کوچلر قرارگاهی نینگ یقیینلیگیده بم جایلشتیریلگن موتر پارتلهشی باعث، قطار بالهلر کر بولگن و شونینگدیک کوپینچه آنهلرنینگ جنینی توشگن.
۵۵ یاشر حاجی نور احمد هرات ولایتی نینگ زوال تومنی یشاوچیسی دیر. مذکور پارتلهش دن کیین بو کیشی نینگ بیر قولاغی کر بولگن. اونینگ سلاموطندارگه ایتیشیچه، هر کیچه اوروش و هاوان آتیلیشی گه شاهد بولگن، بیراق بوندهی بیر کتته پارتلش نی هیچ قچان تجربه قیلمهگن.
اونگه کوره، شونینگدیک بو پارتلهش دن کیین فرزندلری هم قولاق آغریش گه دوچ کیلیب و کیچه توشکلریگه سییشهدی.
اونینگ کوپهیتیریشیچه، محل یشاوچیلریگه روحی و روانی قیینچیلیک که علاوه، آغیر مالی ضرر ییتیشگن.
هرات ولایتی زاول تومن یشاوچیلریدن باشقه بیری نینگ سلاموطندارگه ایتیشیچه، یالغیز بالهلر ایمس بلکیم اورته یاشلی و کیکسهلرهم قولاق آغریش و کرلیککه دوچ کیلگن. اونگه کوره، اوشبو پارتلش دن کیین منطقه طالبان نظارتی گه دیر و دولت اولرنینگ بو ییردن اوزاقلنیتره آلمهگن.
زاول تومن ولسوالی محمد سعید سروری نینگ ایتیشیچه، طالبان گروهی جنگریلری امنیتی کوچلرنینگ بیر پوستهسینی نظارت گه آلیش اوچون اهالی یشهیدیگن منطقهده ۱۰ تُن پارتلش ماده نی ییرلشتیریب و اونینگ پارتلتگن.
هرات حاکمی سوزلاوچیسی جیلانی فرهاد نینگ ایتیشیچه، بو منطقهده هوایی هجوم اویوشتیریلگن و نتیجهده ۱۰ طالب هلاک ایتیلگن.
