هرات ده کرونا ویروسی نینگ نتیجهسی تیزلیککه اعلان قیلینمهگنی مذکور ولایت یشاوچیلری نینگ جدی خواطرلریدن بیری دیر. هرات ولایتی بوییچه ساغلیقنی سقلش ریاست مسؤوللری نینگ ایتیشلریچه، کرونا ویروسی نینگ علامتی بولگن بیر عیال نینگ سیناوینی نتیجهسی اولگنیدن 6 کون کیین مثبت اعلان قیلینگن.
هرات ولایتیده ساغلیقنی سقلش ریاست سوزلاوچیسی محمد رفیق شیرزی نینگ سلاموطندارگه ایتیشیچه، بو عیال نینگ قارن آغری کسللیگی بار ایکن و جراحی عملیات دن 6 کون کیین اولگن. شیرزی نینگ ایتیشیچه، بو عیال 45 یاشیده ایکن و کرونا ویروسی گه چلینگنلرنینگ دارولاوچی کسلخانه مسؤوللری، 6 کون آلدین اوندن کرونا ویروسی نینگ سیناوینی آلگن ایکن.
اوشبو عیال نینگ سیناوینی نتیجهسی اولگنیدن کیین اعلان قیلینگن بیرچاغده، کرونا ویروسی گه شبههلی اونلرچه واقعه سیناو اوچون صف تارتیشگن.
کرونا ویروسی کینگهیگنی و اوشبو ویروس گه چلینگنلرنینگ رقمی آشگنی گه قرهگنده، هرات ولایتی نینگ کسلخانهلریده بولگن سیناوگاه ظرفیتی ایلگری هفتهلردن قویی گزارش بیریلگن.
هرات ولایتی بوییچه ساغلیقنی سقلش ریاست مسؤوللری نینگ اعلان قیلیشیچه، اوتگن 24 ساعت جریانیده، اوشبو ولایت نینگ سیناوگاهی ده کرونا ویروسی گه شبههلی 28 واقعه تیکشیریلگن و بو آرهدن 7 تهسی مثبت بولگن.
هرات ولایتیده کرونا ویروسی گه شبههلی واقعهلر تیکشیرووچی سیناوگاهلر فعال بیر اوسکونه «پیسیآر» بیلن ایکی شیف ده 140 شبههلی واقعهنی تیکشیرهدی.
هرات ولایتی بوییچه ساغلیقنی سقلش ریاستی نینگ سوزلاوچیسی، کرونا ویروسی گه شبههلی واقعهلر تیزلیککه تیکشیریلمهگنی و اولردن بیرقطاری تیکشیریلیش سببی اوسکونه و سیناوگاه ده کیرهکلی ملزمهلر کملیگی ده دییدی.
اونگه کوره، هرات ولایتی نینگ سیناوگاهی گه کیرهکلی جهازلر ینگیلیککه ساغلیقنی سقلش وزیرلیگی تامانیدن خلق ارا ساغلیک تشکیلاتیدن ساتیب آلینگن و بوگون «سهشنبه، 26- حمل» مسؤوللرگه تاپشیریلیشی خصوصیده، قرار قیلینگن.
بوندن آلدین هرات ولایتی نینگ سیناوگاهینی فعالیتی ساغلیک جهازلری کملیگی باعث، ایکی کون توختهتیلگن ایدی.
