بامیان اهالیسی و مدنی فعاللریدن بیرقطاری، مذکور ولایتده ریجهلنگن اوغیرلاوچیلیک میزانی آشگنیدن خواطر بیلدیریب ایتیشیچه، سونگی ایکی آیده نیچه عایلهنینگ اویدهگی نرسهلری اینیقسه معلوماتی اسکونهلری اوغیرلنگن.
سلاموطندار بیلن صحبت اوتکزگن بامیان مدنی فعالی عبدل دانشیارنینگ ایتیشیچه، ایکی آی آلدین، اوغیرلاوچیلر خصوصی مکتبلردن بیرینینگ دفتریگه کیریب نیچه پایه کمپیوترنی آلیب کیتگنلر. اونینگ ایتیشیچه، بامیان ولایتیدهگی سونگی اوغیرلاوچیلیکلرگه قرهگنده، تدبیرکار تشکیلاتلر، قطار شخصیتلرنینگ اویلریگه کیریب معلوماتی حجت و قیمت بها نرسهلرینی آلیب کیتهدیلر.
شونینگدیک، بامیان مدنی فعاللریدن باشقه بیری حسینداد احمدینینگ ایتیشیچه، احتمال باریچه قطار تشکیلاتلر، بامیاننی بدنام قیلیش و ناتینچ قیلیش اوچون ریجهلنتیریلگن شکلده بوندهی ایشلرگه قول اورهدیلر.
بامیان پولیس قومندانلیگی خوفسیزلیک آمری محمدعلی لکزینینگ ایتیشیچه، اوشبو ولایتده یوز بیرگن سونگی اوغیرلاوچیلیکلر ریجهلنتیریلگن شکلده عملگه آشیریلگن. اونینگ ایتیشیچه، پولیس مذکور قضیهلر خصوصیده، تورت کیشینی قولگه آلگن. جناب لکزیگه کوره، اولر قولگه آلینگن تورت کیشینینگ اوستیدن تیرگاو اوتکزیب حمایتچیلرینی تاپیشگه سعی و حرکت قیلماقدهلر.
بامیان مملکتنینگ تینچ ولایتلریدن بیری سنلهدی و حاضرگچه اوروش، ثباتسیزلیک و عصیانچیلیک فعالیتلرگه گواه بولمهگن. عین حالده، ولایت خوفسیزلیک رسمیلرینینگ اورغولشیچه، سونگی بیر آیده یالغیز بامیان مرکزیده 10 اوغیرلاوچیلیک قضیه یوز بیرگن.
