تخار ولایتی نینگ کوکچه اطرافیدهگی تومنلریده بولگن داکترلر و ساغلیک ایشلاوچیلر حقوقلری توللنمهگنی باعث، ایشدن قول تارتگنلر.
دشتقلعه، خواجهبهاوالدین، خواجهغار، درقد، ینگیقلعه، چاهآب و رستاق کوکچه اطرافیدهگی تومنلر جملهسیدن دیر.
ینگیقلعه تومنی بوییچه ساغلیک بولیمی مسوولی دکتر نسیم شاکرنینگ سلاموطندارگه ایتیشیچه، تخار ولایتیده فعالیت قیلهدیگن بوتون ساغلیک ایشلاوچیلر 6 آیدن بویان حقوق آلمهگنلر و انهشو سبب ایشدن قول تارتگنلر.
جناب شاکرنینگ ایتیشیچه، ساغلیقنی سقلش وزیرلیگی نینگ قراردادیگه کوره، تخار ولایتیده بولگن ساغلیک ایشلاوچیلرنینگ حقوق لری «اَهید» ناملی غیر دولتی بیر نهاد تامانیدن توللنهدی، بیراق 6 آیدن بویان اولرنینگ حقوقلری توللنمهگن.
ینگیقلعه تومنی بوییچه ساغلیک بولیمی مسوولیگه کوره، مذکور نهاد تخار ولایتی نینگ مالی حسابی و دارو تامینلش مسوولیتینی بوینیگه آلگن.
کوکچه اطرافیدهگی تومنلرده فعالیت قیلهدیگن داکترلرنینگ ایتیشیچه، کرونا ویروسیگه قرشی کورهشیش اوچون مرکزی دولت تامانیدن ساغلیق مرکزلرده هیچقندهی یاردم بیریلمهگن.
تخار ولایتیده غیر دولتی اهید نهادی مسووللری نینگ فکرینی آلیش اوچون سعی و حرکت قیلدیک، بیراق موفق بولمهدیک.
عینحالده، تخار ولایتی بوییچه ساغلیقنی سقلش ریاستی باشلیغی نصرالله قاضیزاده نینگ ایتیشیچه، بو موضوعنی ساغلیقنی سقلش وزیرلیگی بیلن شریک قیلگن. اونینگ ایتیشیچه، ساغلیقنی سقلش وزیرلیگی نینگ مسووللری مذکور قیینچیلیکنی حل قیلینیشی خصوصیده وعده بیرگن.
