اوتگن ایکی کون جریانیده مملکت قطار ولایتلریده یوز بیرگن سوو تاشقینلر، کوپینچه مالی زیان ییتکیزگنی چکهسیده، 22 کیشینینگ هلاک ایتیلیشی و باشقه 20 کیشینینگ یرهلنیشیگه سبب بولگن.
دولتنینگ طبیعی حادثهلرگه قرشی کورهش وزیرلیگینی گزارشیگه کوره، مذکور سوو تاشقینلردن 17 ولایت یشاوچیلری زیان کورگن؛ بیراق قندهار، فراه، هلمند و هرات ولایتلرینینگ یشاوچیلر کوپراق زیان کورگنلر.
قندهار حاکمینینگ سوزلاچیسی عزیزاحمد عزیزینینگ سلاموطندارگه ایتیشیچه، قندهار شهری و بو ولایت تومنلریده سابقهسی بولمهگن سوو تاشقینلر نتیجهسیده، عیاللر و بالهلر شامل 12 کیشی هلاک ایتیلیب و باشقه 18 کیشی یرهلنگن دیر.
قندهار حاکمینینگ سوزلاوچیسیگه کوره، کمیده 15 مینگ عایله زیان کورگن و 400 مسکونی اوی، کوپ قطار ایکینچیلیک ییر تخریب ایتیلیب و یوزلرچه چاروا تلف بولگن.
اونینگ ایتیشیچه، اوشبو ولایت یشاوچیلریدن یوزلرچهسی سوو تاشقینلرده بند قالگن ایدی، بیراق امنیتی کوچلر تامانیدن قوتقریلیب و دولتی مکانلرگه انتقال بیریلدیلر.
عینحالده، بیرلشگن ملتلر تشکیلاتینی انسانی همکارلیکلرنینگ هماهنگ قیلیش دفتری«اوچا» نینگ ایتیشیچه، قندهار ولایتیده سوو تاشقینلر نتیجهسیده، 20 کیشی جان بیریب و باشقه 10 کیشی یرهلنگن.
اوچا مسووللرینینگ کوپهیتیریشیچه، تیکشیریشلرگه کوره، کمیده 10 مینگ مسکونی اوی، مسجد و حکومتی بنالر تخریب ایتیلگن و زیان کورگن عایلهلردن کوپ قطارینی عاجل یاردم گه نیازی بار.
عینحالده، غزنی ولایتینی محلی مسووللرینینگ ایتیشیچه، قار یاغیشلر و ساغلیق مرکزلر یوللرینینگ یاپیق بولگنی باعث، اوچ عیال و بیر ایرکک جان بیرگن.
شوتوغریده…
- سوو تاشقینلری مملکت اهالیسی گه کوپلب مالی و جانی زیان ییتکیزگن
غرب زونیده یوز بیرگن سوو تاشقینلریده 12 کیشی هلاک و یوزلرچه اوی بوزیلگن
دولتنینگ طبیعی حادثهلرگه قرشی کورهش وزیرلیگینی ارتباط و معلومات آمری حسیبالله شیخانینینگ ایتیشیچه، اوتگن ایکی کون جریانیده، سوو تاشقینلر نتیجهسیده، 22 کیشی جان بیریب و باشقه 20 کیشی یرهلنگن دیر.
اونینگ کوپهیتیریشیچه، اوتگن کونی سوو تاشقینلرده بند قالگن یوزلرچه عایله و مسافر تاشیووچی 100 موتر قوتقریلگن.
دولتنینگ طبیعی حادثهلرگه قرشی کورهش وزیرلیگینی ارتباط و معلومت آمرینینگ تاکید قیلیشیچه، تلفات ارقامی اوزگرماقده و بو اداره نینگ تیکشیریش تیملری بوتون زیان کورگن ولایتلرده یوباریلگن.
اونینگ کوپهیتیریشیچه، مملکت 17 ولایتیده قطار آذیق-اوقات مادهلری یوباریلگن و قندهار ولایتیده زیان کورگن 800 عایلهگه توزیع ایتیلگن.
دولتنینگ طبیعی حادثهلرگه قرشی کورهش وزیرلیگی مسووللرینینگ ایتیشیچه، سوو تاشقینلردن زیان کورگنلر وضعیتینی تیکشیریش اوچون قندهار ولایتیده 12 تیم یوباریلگن.
