کابل شهرینینگ بیر قنچه هیداووچیلری هر کون کابل ترافیک پولیسی تامانیدن کلتکلهنیشدن شکایت قیلگنلر. هیداووچیلر ایریم پیتلرده حقارت و اهانت ایتیله دیلر.
سلاموطندار ترماغی بیلن صحبت قیلگن هیداووچیلردن بیری عصمتالله نینگ سوزلریگه کوره، ترافیک پولیسی بو قبیل ناقانونی یاندهشولر اورنیگه قانونی یاندهشیشی کیرهک. تکسی هیداووچی مذکور شخص ترافیک پولیسی ناقانونی پارچه بیریب پول آلیشنی ادعا قیلگن. اولرگه کوره، ترافیک پولیسی تامانیدن بیریله دیگن کوپینچه لر ساخته لشتیریلگن.
هیداووچیلر بو ادعاسینی رد قیلگن ترافیک ادارهسینینگ عمومی مدیری جنرال سیدمحبوب گه کوره، کابلدهگی کوپینچه هیداووچیلر ترافیک قانونلرینی نظرده توتمیدیلر و انه شو باعث پولیس تامانیدن نقدی پول جریمه تولشگه مجبور ایتیلهدیلر. جناب سیدمحبوب، ترافیک پولیسی تامانیدن بیریله دیگن پارچهلر مالیه وزیرلیگی آرقهلی تصدیق لنگن دیدی. جریمه تولش جریانی شفاف بولیشی اوچون بو اداره یقین کیلهجکده بانکی سیستم ایجاد قیلهدی دیگن جناب محبوب.
ترافیک پولیس مدیرگه کوره، ترافیک ادارهسی تامانیدن موتری بوزیله دیگن یا- ده اوزی کلتک لنه دیگن هر بیر هیداووچی اوشبو ادارهگه رسمی شکایت قلیشی لازم.
عین حالده، حقوقی ایش بیلرمان پرویژعلیشینکی، ترافیک پولیسی شهر اهالیسی بیلن ناقانونی یاندهشیب اولرگه حقارت و اهانت قلیش حقی یوق دیگن. شینکی گه کوره، ترافیک پولیسی تامانیدن نا قانونی یاندهشیش بیر مدنیت گه ایلنگن دیدی.
عین حالده، جناب شینکی، کابل ترافیک ادارهسیدن، بو ادارهنینگ ملازملری هیداووچیلر بیلن قندهی مناسبتده بولیش مدنیتینی اورگهتیشنی سورهگن.
شونینگدیک بیر قنچه موتر هیداووچیلر قانوندن خبر سیزلیکلری باعث ترافیک قانونلرینی رعایت ایته آلمسلیکنی اعتراف قیلگنلر.
باشقه تاماندن، بعضی زوروانلر همده دولت یوقاری مرتبهلی رسمیلری ایریم پیتلرده ترافیک قانونلرینی آیاق آستی قلیشگه حرکت قیلیش لری هر دایم عادی اهالی همده تیگیشلی ادارهلر رسمیلری تامانیدن تیلگه آلینیب کیلگن.
