افغانستان بوییچه ساغلیقنی سقلش وزیرلیگی مسؤوللری نینگ ایتیشیچه، کیشیلیک ساغلیکدن جماعه عیاللری نینگ خبرسیزلیگی، دارو و درمان یوقلیگی، کسللیک بیلگیلنیش خذمتلری کملیگی و کمبغللیک باعث، مملکتده سرطان واقعهلریدن کوپینچهسینی کوکرک سرطانی تشکیل بیرهدی.
ساغلیقنی سقلش وزیرلیگینی یوقیمسیز کسللیکلر امری حبیب اروال نینگ ایتیشیچه، میلادی 2018- ییلده 3000 دن آرتیق عیال کوکرک سرطانی گه چالینگن و بو جملهدن 1700 تهسی جان بیرگن.
ساغلیقنی سقلش وزیرلیگیده سرطان کسللیگینی باشقریش برنامه مسؤولی میهن عبدالله نینگ ایتیشیچه، کوکرک سرطانی گه چالینگن عیاللردن کوپینچهسینی 40 دن 50 یاشیده بولگن عیاللر تشکیل بیرهدی.
ساغلیک ادارهلری تامانیدن بیریلگن رقملر اساسیده، میلادی 2018- ییلده افغانستان بویلب 20 مینگ سرطان کسللیگی رویخطگه آلینگن و بو جملهدن 15 مینگ تهسی جان بیرگن.
دنیا ساغلیک تشکیلاتی نینگ تیکشیروولریگه کوره، کیلهجک 10 ییلده دنیا بویلب سرطان کسللیگی گه چالینگنلرنینگ اولیمی 50% دن آشیشی ممکن.
شو توغریده…
کوکرک سرطانی توغریسیده یشاوچیلرنینگ معلوماتی آز دیر
