.jpg)
«اینیم نینگ کیلینی مقابلیگه بَدگه بیریلگن ایدیم. 17/18ییلدن کیین تورموش اورتاغیم حقیده بیرار – بیر معلوماتگه ایگه بولمسلیگیمگه قرهمسدن، اویلهنیشگه مجبور قیلیندیم. اسمی انور و طالبلر بیلن هم علاقهسی بار، ممکن هنوز هم اولر بیلن مناسبتده بولسه کیرهک. اینگ سونگی مرته قیناققه آلگن لیگیدن حکایه قیلهمن، قضیه نینگ اصلی سببی نیمهلیگی هنوز انیق ایسیمده ایمس؛ آشخانهدن آلیب کیلگن پیچاق بیلن هجوم قیلدی و نیچه ضربهدن کیین اویدهگی قودوققه تشلهدیم. ساعتلب قودوقده ایدیم و اوچ ییلدن بیری بیلیم سینیب اویده یاتگن من.»
بو 40 یاشگه تولگن گلاندانم نامی خاتین نینگ یورهک نالهسی. بو خاتیننی غور ولایتیدهگی ساغلیقنی سقلش مرکزلریدن بیریده اوچرهتدیم. اونینگ یورهگیده بعضی بیر ایتیلمهگن آغیریقلر بارلیگینی سیماسیدن سیزیب آلسه بوله ویرهدی.
او، غور ولایتی مرکزی فیروزکوه شهری کاسی منطقهسی نینگ یشاووچیسی. ییتی فرزندنینگ آنهسی گلاندام 40 یاشگه کیرگن؛ فرزندلری 5 اوغیل و 2 قیزدن عبارت. بدنی نینگ یریم قسمینی قولدن بیرگن مذکور عیال نینگ تورموش اورتاغی ایندی عقلی ایشگه توشیب بونی دوالهشگه باشلهگن. لیکن، شفاکارلر سوزیگه قره گنده گلاندامنی دوالش ایندی بیکار بیر ایش.
گلاندام کیشیدن قورقمسدن آچیق و آیدین سوزلب بیرهدی. او، تورموش اورتاغی نینگ اوییدن بیزار بولگن لیگینی تیلگه آلهدی. بو عیال بوندن سونگ ایری نینگ اوییده حیاتگه دوام بیریشده حوصلهسی یوقلیگیدن نالیدی. گلاندام نینگ آنهسی گوهر ایسه بوندن کیین بغری نینگ توتهسی بولمیش قیزینی ایری نینگ اویده بولیشیگه طرفدار ایمس.
گلاندام نینگ آنهسی نیچه بار کیاوی حبسگه آلینیشی اوچون سعی وحرکت قیلگن، اما هر مرته تیگیلشی امنیتی ادارهلر مسووللری نینگ شفقتسیزلیگیگه روپه ره بولگن لیگینی اظهار ایتهدی.
.jpg)
غور انسان حق و حقوقلری نینگ مستقل کمیسیون ادارهسی مسوولی فریده ناصری، گلاندام نینگ فزیکی وضعیتی یخشی ایمس و انه شو باعث کمیسیون نینگ سعی وحرکتی نتجیهسیده دوالهنیش اوچون شفاخانهگه آلیب باریلگن دیگن. خانم ناصری، گلاندام نینگ ایری خاتینینی حددن کوپ قیناق آستیگه آلگن لیگی باعث باشقرهلاوچیلیککه تاپشیریلگن، اما بیر آیدن کیین قیته آزاد ایتیلگن دیدی.
غور انسان حق وحقوقلری مستقل کمیسیونی نینگ مسوولی شفاکارلرگه اساسلب ایتیشیچه، گلاندام نینگ بیلی سینیشی قودوققه تشلهگن لیکدن ایمس، بلکه ایری تامانیدن سوقیلگن پیچاق ایاغینی حرکتگه کیلتیروچی تامیر اوزیلگن لیگی نتیجهسیده فلج بولگن لیگینی ایتگن.
اینگ قیزیغی گلاندام جاری ییل عقرب آیی نینگ 5- سیده غور ولایتیده داعش آرقهلی اولدیریلگن 30 کیشیدن بیری نینگ آنهسی. فریده ناصریگه کوره، گلاندام نینگ ایری بونگه کته اوغلینی کوریش اوچون حتی بیر مرته هم فرصت بیرمهگن و گلاندام ایسه کته اوغلی اولدیریلگن لیگیدن خبرسیز قالگن.
بو توغریده گلاندم نینگ تورموش اورتاغی بولمیش انورنینگ هم فکرینی اورگهنیش اوچون سعی و حرکت آلیب باردیک، لیکن او غور ولایتی نینگ ناتینچ منطقهلریده استقامت قیلیشی اوچون بو توغریده اونینگ فکرینی آلیشگه موفق بولمهدیک.
غور پولیس قوماندانلیگی نینگ سرپرستی جنرال ضیاءالدین ثاقب واقعهنی تصدیقلب ایتیشیچه، بو اداره اینگ یخشی صورتده اوز وظیفهسینی بجریب، گلاندام دوسیهسینی باشقرهلاوچیلیککه تاپشیرگن. جناب ثاقب، بو اداره گلاندام توغریسیده عدالت و دادخواهلیک اوچون هیچ قندهی سعی وحرکتنی اَیه مسلیکنی تیلگه آلگن.
افغانستان غربیده جایلگشن غور ولایتی سونگی بیر ییل جریانیده خاتین – قیزلرگه قرشی اینگ یامان حادثهلر گواهی بولگن. جملهدن رخشانه ناملی قیزنی تاش کومدی ایتیلیشی و عزیزهگل کبی قیزنی ایسه آتیب تشلنگن لیگیگه اشاره قیلیش ممکن. دستلب مرکزی حکومت بو توغریده جدی آدیم کوتاریشنی وعده بیرگن ایدی، لیکن هنوزگچه هم بو حادثهلر درست شکلده تیکشیریلمهی قالگن.
