لغمان امنیتی رسمیلرینینگ ایتیشیچه، اوتگن کیچه بیر اولتیریش اویده ناتانیش کیشیلر تامانیدن تشلنگن قول بمی نتیجهسیده، اوشبو عایلهنینگ 10 اعضاسی هلاک ایتیلیب و باشقه 4 اعضاسی یرهلنتیریلگن.
لغمان حاکمی سوزلاوچیسی سرحدی زواکنینگ سلاموطندارگه ایتیشیچه، بو واقعه لغماننینگ بادپیش تومنی مروت منطقهسیده یوز بیرگن و هلاک ایتیلگنلرگه عیاللر و بالهلر هم شامل بولگنلر.
اونینگ ایتیشیچه، واقعهده یرهلنگنلر، مهترلام مرکزی کسلخانهسی و ننگرهارنینگ عمومی کسلخانهسیگه ییتکیزیلگن.
لغمان حاکمی سوزلاوچیسینینگ کوپهیتیریشیچه، واقعه سببی حاضرگچه بیللی بولمهگن، بیراق پولیس کوچلری، بو توغریده تیرگاو باشلهگن.
اوشبو واقعه مسؤولیتینی حاضرگچه هیچ بیر کیشی و یا-ده گروه بوینیگه آلمهگن.
