افغانستان نینگ تهراندهگی ایلچیخانهسی نینگ بیر خبرنامه آرقهلی ایتیشیچه، ایران نینگ یزد ولایتیده ترافیکی بیرحادثه عاقبتیده، افغانستان یشاوچیلریدن بیرقطار زیان کورگن. مذکور خبرنامهده، تلفات رقمی خصوصیده معلومات بیریلمهگن.
بیراق، ایران نینگ تسنیم کوندهلیگی نی اوشبو مملکت پولیسی دن نقل قیلیب ایتیشیچه، مذکور ترافیکی حادثهده، افغانستان یشاوچیلریدن 3 تهسی هلاک و باشقه 8 تهسی یرهلنگن دیر.
اوشبو ترافیکی واقعه اوتگن "چهارشنبه" کونی یوز بیرگن.
افغانستان ایلچیلیگی تامانیدن نشر قیلینگن تصویرگه کوره، افغانستان یشاوچیلرینی انتقال بیرهدیگن موتر اوت آلگن.
افغانستان نینگ تهراندهگی ایلچیخانهسی تامانیدن ترقهتیلگن خبرنامهده ایتیلیشیچه، مذکور واقعه قندهی شکلده یوز بیرگن و قربان بولگنلر هویتینی بیللی قیلینیشی خصوصیده تیکشیریشلر باشلنگن.
