سونگی کونلرده سوو اوستیده پیدا بولگن معما حل ایتیلیشی اوچون فاریاب ولایتی نینگ والیسی آقسقاللر، قوم بویوکلری، میمنه شهری و منطقهسبز اهالیسی نمایندهلرینی مسالهنی یقیندن اورگهنیش سرحوضگه یوبارگن ایدی.
بولر سرحوضلیک غلام قادر ناملی مردمی کوچ همده جهادی قوماندان و سرحوض اهالیسی بیلن اوچرهشیب بو مساله اوستیده گپیرگنلر.
ایتیلیشیچه، سرحوضدن میمنه شهریگه آقهدیگن سوو جریانی قادر قوماندان ایمس بل، سرحوض یشاوچیلری تامانیدن باغلب قوییلگن.
سرحوض یشاوچیلرینینگ معلوم قییلشلریچه، ایکّی ییلدن بویان سرحوض بیلن میمنه شهری عمومی یولیده ناتانیش قورالی شخصلر تاپیلیب و بولرنی اوتیب – قیتیشده بیزاوته قیلیب، حتی عیاللرنی تینتاو قیلیش بهانهسی بیلن جانلریگه قول اوریب و موترلریدن پول آلهدی.
سرحوض یشاوچیلری ولایت محلی رسمیلریدن منطقهلریده پیدا بولگن معمالر حل ایتیلیشی اوچون سرحوض سووینی میمنه یشاوچیلری یوزیگه قوریتگن لیکلرینی اعترا قیلگنلر.
ولایت مرکزیدن بارگن هیاتلر کیلیب چیققن معمالر والی تامانیدن حل ایتیلیشی اوچون وعده بیریب سرحوضدن کیله دیگن سوونی وقتینچه آچیب قوی بیریلگنلر
.
شو بیلن بیرگه سرحوض منطقهسیدهگی جهادی قوماندان غلام قادرنینگ ایتیشیچه، بوییل دهقانلرنینگ ایکینلری طبیعی آفاتلر سبب نابود بولگن.
او، مذکور ایکینچیلرگه یاردم بیریلیشی یانیده سرحوض سووتوغانی امنیتی یخشی تامین بولیشی اوچون بیر امنیتی پوسته قوریلیشینی طلب قیلگن.
سرحوض دن میمنه شهریگه آقه دیگن سوو جریانی باغلهنیشی بارهسیده جریانده ایمس این لیگینی ایتگن رحمانی، بو ایش یشاوچیلر تامانیدن منقطه لری ناتینچ بولگنلیگی دلیل قوریتیلگن ایکن لیگینی تصدیق لهگن.
باشقه بیرتاماندن فاریاب حاکمی سید انور سادات سرحوضدن کیلگن هیات سوزلرینی تینگلب ایتیشیچه، سرحوض یشاوچیلرینینگ برچه قانونی ایستکلری ایرته دن باشلب ایشگه باشلشینی ایتگن.
سرحوضدهگی جهادی قومندان و محل یشاوچیلری نینگ فاریاب والیسینی آگاهلنتیریب ایتیشلریچه، کیلهسی بیرهفتهگه قدر سرحوض – میمنه عموی میل یولی امنیتی تأمین قیلینمهگن صورتده، بولر سرحوضدن میمنه کیله دیگن سوو آقیمینی ینه یشاوچیلری یوزیگه قوریتهدیلر.
بیر آی بولردی سرحوض قوماندانلری تامانیدن میمنه یشاوچیلری فایدهلنهدیگن سوو قید قیلینگن ایدی، سرحوضلیکلرنینگ ایستکلری قانونی ایکن، بیز بولرگه اصلاح ایتیلگن بوغدای و باشقه قانونی ایسته گن نرسهلرینی بیرهمیز و یوللری امنیتی هم تأمین ایتیلهدی ولایت والیسی.
