هرات حوزهیی کسلخانهسی رسمیلری نینگ ایتیشلریچه، جاری ییل باشله نیشیدن حاضرگه قدر مذکور ولایتده 100 ترافیکی حادثه رویخطگه آلینگن، حادثهلردن کوپیسی هرات شاه یوللریده روی بیرگن.
هرات حوزهیی کسلخانه سوزلاوچیسی محمدرفیق شیرزی نینگ سلاموطندارگه ایتیشیچه، اوتگن ییللرگه قرهگنده ترافیک حادثهلری کوتیلمهگن درجهده یوقاری کیتگن و جاری ییل 10 آییده ترافیک حادثهلر نتیجهسیده 100 کیشی عالمدن اوتگن و 5000 دن آشه انسان هم تن جراحتی آلگن.
ترافیک حادثهلرده قربان بولگن هراتلیکلر خانهدانی نینگ ایتیشلریچه، شرکتلر ارا ناسالم رقابتلر، هیداوچیلرنی تیز هیدهشی و ترافیک قانونی نظرده توتیلمسلیگی و شاه یوللر پولیسی توجه سیزلیگی دلیل مذکور ولایتده ترافیک حادثهلری کوپهیگن.
هراتده ترافیک حادثهلرگه قربان بولگنلر خانهدانیدن مولوی غفار و عزیز احمدلر، شاه یوللر پولیسی هیداوچیلر تیزهیده شلرینی نظارت قیلمهگنلیککه عیبلب ایتیشلریچه، شاه یوللرده یولاوچی تشوچی موترلر سرعتی کنترول بولیشی لازم.
هرات پولیس سوزلاوچیسی عبدالاحد ولیزاده شاه یوللرده هیداوچیلرنینگ تیز هیده شلرینی قبول قیلیهدی، بیراق اونینگ ایتیشیچه، شاه یوللر پولیس تشکیلاتی آزلیگی سبب بولگن تا بولر هیداوچیلرنی کنترول قیله آلمسهلر.
ترانسپورت وزیرلیگی رسمیلری نینگ هراتده قیلگن سفرده هیداوچیلرگه زمان جدولی توزه تیلگن وعدهسینی بیریب مذکور زمانگه ماس عمل قیلمهگنلربیلن قانونی برخورد بولهدی دیگن ایدیلر، بیراق وعدهلردن بیر آیی اوتیشی بیلن هیچ خبر یوق.
