تخار ولایتینینگ درقد تومنیده طالبلر بیر یاش قیزنی مکتب کیتیش عیبیده ۵۰ دُره اورگن؛ بو ذکیه ناملی یاش قیز ۱۱ صنف طلبهسی ایکن.
ذکیهنینگ ایتیشیچه، ۳ آی آلدین طالبلر تامانیدن او مکتب کیتیش عیبیده ۸۰ دُره اوریشگه محکوم قیلگن، اما طالبلر اونی ۵۰ دُره اوریشگه قانیقگنلر. ذکیه جزالنگنیدن سونگی اونلب مرته ایری نینگ خانهدانی تامانیدن کلتکلنگن.
نیچه پیت آلدین بو عیال ایری بیلن مداوا قیلیش اوچون تالقان شهریگه کیلگن ایدی و حاضر عیاللر ریاستیده توریب و اویگه قیتیشگه حاضر ایمس.
ذکیهنینگ ایتیشیچه، طالبلرنینگ امر معروف کمیسیونی ذکیهنی محکمهگه حاضر قیلیشنی طلب قیلگن. او، ایریدن خاتینینی «تاش کومدی قیلیشینی ایستهگن.»
ذکیهنینگ آتهسی نعمتالله نینگ ایتیشیچه، نیچه مرته طالبلر اوندن قیزی ذکیهنی مکتب کیتیشدن آلدینی آلیشنی طلب قیلگن ایکن. نعمتالله گه کوره، طالبلر ذکیهنی اولرگه تاپشیریلیشینی ایستهگن و «بوگروه قورقیشیدن بوتون خانهدانی قاچیب چیققنلر.»
تخار ولایتینینگ عیاللر ریاستی باشلیغی رزمآرا حواشنینگ ایتیشیچه، طالبلر ذکیهنینگ محکمه بولمه گونیگه قدر خانهدانینی قمراوگه آلگنلر.
حادثه درقد تومنینینگ نورخیل قیشلاقیده روی بیرگن؛ منطقه ایسه طالبلر تصرفیده بولگن.
