.jpg)
جوزجان: آسایشتهلیک رویاسی؛ مهسا مهدوی، رویالری گه قول تاپیش اوچون عایله اعضالری بیلن بیرگه ایران تامان یول آلیب و کوپینچه قیینچیلیکلرنی باشیدن اوتکزیب مذکور مملکتگه ییتیشگن اونلرچه مهاجردن بیری دیر.
مهسانینگ ایتیشیچه، سفر قیینچیلیکلری، قاچاقچیلرنینگ یامان حرکتلری و کوپ پول آلیشلری، عایلهسینی جدی قیینچیلیککه روپهره قیلگن، بیراق آچ قاریننی تویدیرماق و مقصد منزلیگه ییتشماق اوچون برچه قیینچیلیکلرنی قبول قیلگنلر. اونینگ ایتیشیچه، بو یولده مقصدگه ییتیشیش اوچون کون بوییچه پیاده یورگنلر.
مهاجرلر قاچاقی و انسان قاچاقی قربانلریگه یاردم بیریش ملی میکانیسم (NRM)، افغانستان دولتینینگ مهاجرلر قاچاقی و انسان قاچاقیگه قرشی کورهش یوکسک کمیسیونی تامانیدن تیارلنیب و تصدیقلنگن. اوشبو ملی میکانیسم دن مقصد مهاجرلر قاچاقی و انسان قاچاقی قربانلریدن حمایت قیلیش و شونینگدیک، قربانلردن حمایت قیلیش اوچون دولتی و غیردولتی ادارهلر آرهسیده اویغونلیک ایجاد قیلیش دیر.
مهاجرلر قاچاقی و انسان قاچاقی قربانلریگه یاردم بیریش ملی میکانیسم (NRM)نینگ 7- مادهسی (ایچکی ایشلر وزیرلیگینینگ مسؤولیتلرینی) 6- بندی و 1- فقرهسیده بوندهی دییلگن: (ایچکی ایشلر وزیرلیگینینگ مسؤولیتلریدن بیری) کیشیلرنینگ اوتیب و کیلیشگه حقی بولگن برچه ییر و هوایی چیگرهلر و عامهوی محلهلر (قتناو یوللر، عمومی پارکلر، عمومی باغلر، سرک، پیادهرو، محله، کوچه، جاده، آچیق میدان، مکتبلر، دولتی و غیردولتی ادارهلرده) انسان قاچاقی و مهاجرلر قاچاقی توغریسیده بولگن جنایتلر آلدی آلینیشی اوچون جدی شکلده تدبیر آلیش دیر.
اوشبو فقره اساسیده، ایچکی ایشلر وزیرلیگی مهسانینگ عایلهسینی اوستیدن اوتگن قضیهلر توغریسیده، مهاجرلر قاچاق بولهدیگن یوللرنی قاچاقچیلرنینگ یوزیگه باغلب و قاچاقچیلرنی قانون گه تاپشیریشی کیرهک.
بیر عایلهنینگ یاش قیزی مهسا مهدوینینگ ایتیشیچه، قاچاقیلر اولردن کوپینچه پول قولگه کیلتیرگن؛ بیراق اولرگه هیچقندی دقت قیلمی، بلکیم بالهلرنی اذیت قیلگنلر. مهسانینگ ایتیشیچه، ایران چیگره پولیسی ایناغهلرینی بیر پارکنی تهمیزلشگه مجبور قیلدی.
.jpg)
مهسا بیلن صحبت اوتکزگندن سونگ، قاچاق ایتیلگن عایلهلر اینقسه عیاللرنینگ سرنوشتی خصوصیده صحبت قیلیشنی ایستهدیم. جوزجان ولایتیده عیاللر ادارهسی باشلیغی نجیبه قریشینینگ ایتیشیچه، مهاجرت یولیده عیاللرگه قرشی روحی، جسمی و جنسی نقطهی نظردن زورهوانلیک یوز بیرهدی.
عینحالده، خانم قریشینینگ ایتیشیچه، حاضرگهقدر انسان قاچاقی خصوصیده، هیچبیر عیال اوشبو ادارهگه شکایت قیلمهگن. جوزجانده عیاللر ادارهسی باشلیغینینگ ایتیشیچه، بو توغریده شکایت ایتیلگن صورتده، قانون گه کوره، مربوط بولگن ادارهلر بیلن زیان کورگن عیاللرگه همکارلیک قیلهدیلر.
اوندن سونگ مهاجرلر و انسان قاچاقی سکرتریتینینگ مسوولی حسن سلیمی بیلن صحبت اوتکزدیم. جناب سلیمینینگ ایتیشیچه، مهسا و عایلهسی برابریده یوز بیرگن واقعه انسان و مهاجرلر قاچاقیدن حسابلندی.
شونینگدیک، مهاجرلر قاچاقی و انسان قاچاقی قربانلریگه یاردم بیریش ملی میکانیسم (NRM)نینگ 8- مادهسی (مهاجرلر و باشپناه ایزلاوچیلر وزیرلیگینینگ مسؤولیتلرینی) 9- بندی و 1- فقرهسی اساسیده، دولت «تشقی ایشلر وزیرلیگی و مسؤول خلق ارا ادارهلرینینگ همکارلیگیده انسان قاچاقچیلری آرقهلی مملکتدن تشقری قاچاق بولگن یشاوچیلرنینگ مملکت گه قیتریب آلیب کیلیشگه زمینه یرهتهدی.» بیراق کورینیشیچه، بو توغریده نهفقط هیچ بیر ایش قیلینمهگن، بلکیم کونده قوشنی مملکتلرگه قاچاق بولهدیگن عایلهلرنینگ سانی آشماقده.
حاضرده کوپینچه عایلهلر شامل یاشلر و بالهلر ایش گه قول تاپیش بهانهسی بیلن قوشنی مملکتلرگه قاچاق ایتیلهدی. افغانستانلیک ایشلاوچیلر قاچاق شکلده قوشنی مملکتلرگه بارگنلری باعث، ایش امتیازلریدن محروم دیر و هردایم میزبان مملکت نینگ دولتی اینیقسه پولیسینی قولیگه توشیشدن قورقهدیلر.
