افغانستاننینگ عیال خبرچیلریدن حمایت قیلیووچی مرکز رسمیلری، مذکور ادارهنینگ ایجاد ایتیلگنینی بیر ییل لیگیدن نشانلش مراسمیده 225 دن آرتیق ملی و محلی میدیا و باشقه تدقیقاتچی خبرچیلردن حمایت قیلووچی 4 اداره اوستیدن تدقیقات اوتکزگنینی بیلدیردی و بو تدقیقات نتیجهسیده ارزگان، نیمروز، نورستان و کنر ولایتلریده هیچ بیر عیال خبرچی یوقلیگی و خوست بیلن غور ولایتلریده عیاللر حضورسیز شکلده میدیاده فعالیت قیلیشلری بیلگیلنگن.
افغانستاننینگ عیال خبرچیلریدن حمایت قیلووچی مرکز باشلیغی فریده نیکزادنینگ ایتیشیچه، 1697 عیال میدیالرده فعالیت قیلهدی و بو جملهدن 764 تهسی مسلکی شکلده فعالیت قیلهدیلر.
نیکزادگه کوره، عیال خبرچیلرنینگ کوپینچهسی کابل، بلخ و هرات ولایتلریده فعالیت قیلهدیلر. اوتمیشلرده عیال خبرچیلرنینگ فعالیتی هرات ولایتیده کوزگه کورینرلی درجهده ایدی و سونگی اوچ آیده اجتماعی قیینچیلیکلر و ناتینچلیکلر باعث، مذکور ولایتیده عیال خبرچیلرنینگ فعالیتی کَم بولگن؛ عکسینچه کابلده عیال خبرچیلرنینگ فعالیتی کوپهیگن.
مذکور اداره تامانیدن توپلنگن حجت اساسیده، مملکت اینیقسه ولایتلرده عیال خبرچیلرنینگ حضوری کَم بولگن. عیال خبرچیلرنینگ فعالیتی کمهییش دلیلی اوروش کینگهیگنی و ناتینچلیکلر میزانی آشگنیگه دییلهدی.
