مدنی و اجتماعی فعاللردن بیرقطاری، کابلدهگی مکتبلر خصوصیده معارف وزیرلیگی بیفرق یاندهشیدن تنقید قیلیب ایتیشیچه، کِرا توللنمهگنی باعث، 13 مکتب یاپیلیش تهدیدیگه روپهره بولیب تورگن.
سهشنبه کون کابلده اوتکزیلگن خبری بیر ییغینده اوشبو مدنی فعاللر، معارف وزیرلیگیدن مذکور مکتبلر خصوصیده چاره تدبیر کوریشینی سورهدی. اولرگه کوره، اوشبو مکتبلرده کابل یشاوچیلریدن مینگلرچه کیشی درس اوقیدی.
مدنی و اجتماعی فعاللردن بیری محمدعارف حیدرینینگ ایتیشیچه، معارف ریاستی سونگی کونلرده بیر مکتوب آرقهلی معارف وزیرلیگیدن 13 کِراسینی توللشینی سورهگن، دیمک 13 مکتب کِراسی کمیده 6 میلیون افغانی بوله دی. بیراق، اوشبو وزیرلیک بودجه یوقلیگینی بیلدیرگن. اولرنینگ ایتیشیچه، معارف وزیرلیگی و کابل شهری معارف ریاستی اورتهسیدهگی جنجللر باعث، 13 مکتب دروازهسی مینگلرچه اوقووچی یوزیده یاپیلیشی ممکن.
بیراق، معارف وزیرلیگی نشرات بولیمی باشلیغی محمدکبیر حقملنینگ سلاموطندارگه ایتیشیچه، کابل شهریده هیچ بیر مکتب کِرا توللنمهگنی سبب یاپیلمهگن و تدارکاتی، اداری و حقوقی قیینچیلیگی بولمهگن مکتبلر کِراسی اوشبو وزیرلیک تامانیدن توللنهدی. اونینگ اورغولشیچه، مکتبلرنی کِراسی توللنیشی گه پیت لازم و قانونی باسقیچی اوتگونگه قدر کوتیش کیرهک.
آست قوریلمهلر و طبیعی منبعلردن سونگ، دولت بودجهسیدن کوپینچهسیگه معارف وزیرلیگی ایگه چیقهدی؛ بیراق مکتبلر کِراسی توللنمهگنی اونلرچه قیینچیلیک جملهسیدن بولیب معارف وزیرلیگی اونگه روپهره بولیب تورگن.
