بوگون «چهارشنبه» کابلده خبری ییغین اوتکزگن افغانستان عیاللرینینگ معلومات ییتکزیش بیرلشمهسینی رهبرلیک هیأتینینگ ایتیشیچه، ینگیلیکده کابل، هرات، بلخ و ننگرهار ولایتلریده اجتماعی وضعیت اوستیدن بیر تدقیقات اوتکزیلگن.
اوشبو بیرلشمهنی اجتماعی تدقیقاتچیسی مرتضی صارم نینگ ایتیشیچه، بو تدقیقات گه جواب بیرگنلردن کوپینچهسی یاشلر بولگن و اولرنینگ سوراقلریگه جواب بیرگن 333 کیشیدن 103 عیاللر دییلهدی.
صارم نینگ کوپهیتیریشیچه، اشتراکچیلر اجتماعی تارتیشوولردن کوپینچهسی سوو و ییر اوستیدن چیقهدی دیگنلر.
اوشبو اجتماعی تدقیقاتچی گه کوره، حکومت کوپراق قوراللی عصیانچیلر بیلن تینچلیک سوزلشوولری اوتکزیلیش ایشی بیلن مشغول بولیب قالگن و اجتماعی تارتیشوولرگه تیگیشلی موضوعلرگه اونچه لیک دقت قیلمهیدی.
صارم نینگ کوپهیتیریشیچه، یشاوچیلرنینگ بیرقطارینی ایشانچی گه حکومت گه تیگیشلی ادارهلر فسادگه باتگن و شو یوزهدن دوسیهلری تیزلیکده تیکشیریلمهیدی و اوشبو موضوع باعث، جنجللری حل ایتیلیشی اوچون دولت گه قرشی قوراللی عصیانچیلر اینیقسه طالبلرگه مراجعت قیلهدیلر.
مذکور اجتماعی تدقیقاتچی سرپلنینگ صیاد تومنیده اشاره قیلیب ایتیشیچه، کوپینچه منطقهلر طالبلرنینگ نظارتیگه دیر و طالبلر نظارتلریگه بولگن منطقهلرده، هرکون 100 دن کوپراق دوسیهلرنی حل ایتهدیلر. بو ییغینده تینچلیک عالی کینگشی نمایندهلیگیدن نطق سوزلهگن لیلا جعفرینینگ ایتیشیچه، حکومت عدالت نی تطبیق ایتیش گه ناکام بولگن، عدلی و قضایی ادارهلر اهالی نی قیینچیلیگی نی حل ایتیش گه قادر ایمسلر.
جعفری جنابلرینینگ ایتیشیچه، بونگه اوخشش قیینچیلیکلر بارلیگی دولت گه قرشی قورالیلرنی کوچلنیشیگه سبب بولگن.
عینحالده، حکومت محلی قرمهقرشیلیکلرنی حل ایتیش اوچون بیر کمیسیون ایجاد قیلگن؛ بیراق اونینگ کیفیتی و ایشی قندیلیگی توغریسیده حاضرگچه گزارش ترقهتیلمهگن.
عیاللرینینگ معلومات ییتکزیش بیرلشمهسی مسئولرینینگ ایتیشیچه، محلی قرمهقرشیلیکلر توغریسیده حکومتده گزارش بیرگنلر و بو ییغینده حکومت رسمیلری هم چقریلگن ایدی؛ بیراق اولر بو ییغینده اشتراک قیلمهگن.
